Read zande Atambuahe 28 Bible Online

Atambuahe 28 - zande bible

Atambuahe 28

¹Ako Yekova, mi nakpara foro; nga gi mbia, ka turo nidú nga ni kisikisi he fere ya, bambiko ka mo akáraga nga pai fere ya, mi adu wa agu yo nazora ku Due yo.

²Mo gí pa gimi akpesarawati, ho mi ka akpara ni foro ku ari tipa undahe, ho mi ka atumba bere ni koyo du ga kparakpara ziazia ba ni.

³Ka mo gbé nga re ku sa yo na gbegberẽ aboro, na amangi irairapai ya, nga agu yo nagumba pai fu akurayo zezeredi, ono kina berã gbigbitapai ki du ku kpotoyo yo.

⁴Mo fú he fu yo rengbe na gayo sunge, rengbe na gu gbegber ẽpai nga ga gayo mangaapai; mo fú he fu yo kuti agu apai i amangi he ni beyo; mo káraga ha fu yo rengbe.

⁵Bambiko i aberã nga pa ga Yekova mangaapai, na pa agu apai ko namanga ni beko te, ko akúadi yo akuadi ku sande, ka ko adúa nga yo ku ari berewe ya.

⁶Yekova dú ni sambuasambua ko! bambiko ko agi pa gimi akpesarawati.

⁷Yekova nga gi ome nga gi vurakube; kpotoreyo nakida kuti ko; si ki unda re, kpotore yo ki ningi, mi ki nitambua ko ni gi bia.

⁸Yekova nga ga gako aboro ome, ko nga nyanyaki gbata bata fu gako mbedimbedi boro.

⁹Ako, mo bátasi gamo aboro, ki fu maku fu gamo siasia yo; mo nirígi yo a, ki nisongodi yo kindi.