Read zande Atambuahe 29 Bible Online

Atambuahe 29 - zande bible

Atambuahe 29

¹Ako awiri airaome, oni fú he fu Yekova, oni nifú taarimo fu Yekova na ome.

²Oni fú taarimo fu Yekova rengbe na rimoko; oni írisi Yekova ni gu wene ngbanya nga ga kparakpara ziazia pai.

³Fugo Yekova du ku ri aime; Mbori taarimo nasumba, kina Yekova ku ri dungu aime.

⁴Fugo Yekova du na tandu, fugo Yekova du na bairiwo ti ni.

⁵Fugo Yekova nakuadi angua nga kedara, Yekova nakuadi agu akedara du Rebanona yo.

⁶Ya ko Rebanona gú wa wiri bagara, na Siruyona wa wiri gbeẽ nga bara.

⁷Fugo Yekova nakĩ wa mirãwe.

⁸Fugo Yekova nazigizo ngbakungba, Yekova nazigizo gu ngbakungba du Kadesa yo.

⁹Fugo Yekova naya angbiimo vungu, ki nigboroka akpe abirengua yo kpakaya; ahe dunduko vuru gako yekaru yo nagumba ha, “Taarimo!”

¹⁰Yekova nasunga ni bakindo ri ngirimo; Yekova nasunga ni bakindo nye anye kindi.

¹¹Yekova fú ome fu gako aboro! Yekova fú maku fu gako aboro na zereda!