Read zande Atambuahe 30 Bible Online

Atambuahe 30 - zande bible

Atambuahe 30

¹Ako Yekova, mi ataka pande rimoro, bambiko mo atumba re ku ari, mo aida nga fu avurare i ngi ku ri re te.

²Ako Yekova gi Mbori, mi akpari foro ku ari tipa undahe, mo ki usi re.

³Ako Yekova, mo akusi mbisimore Baatoro kpikpi aboro yo, mo aungasi re, ka mi azorã nga ku Due yo ya.

⁴Oni bí tambuahe fu Yekova, Ako, oni nga gako ziazia aboro, ki fu atambuahe fu kparakpara ziazia rimoko.

⁵Bambiko gako zinga naima ngbutuko, ono gako ngbanya du fu boro ho du ni ni ni ungani. Ka kparakpe ima wa yuru sa, ono ngbarago naye wiso.

⁶Mi tigimi, mi aya rago gi wenepia, “Mi awó nga wa sa te.”

⁷Ako Yekova, mo anyakasi re wa nyanyaki bagangara ni ga ngbanya; mo aoko kpakpuro, mi ki du ni fudifudi re.

⁸Ako Yekova, mi akpari foro; ki nizungadi pa inapai be Yekova:

⁹“Gini u du rogo kpiore ka mi zorõ ku Due yo? Ka nvutu tambua ro? Ka si taki pande pa ga yososopai?

¹⁰Ako Yekova, mo gí he, ki ini pai fere! Ako Yekova, mo dú ni gi mounda!”

¹¹Mo asa gi kere nunga fere ku rogo dogbere; mo azaki gi mbuzaroko ki ukadi re ni ngbarago,

¹²gi taarimo bi bia tambuahe foro, ka si ongo nga ya. Ako Yekova gi Mbori, mi afú atambuahe foro nye anye kindi.