Read zande Atambuahe 32 Bible Online

Atambuahe 32 - zande bible

Atambuahe 32

¹Boro maku nga gu ni vu yo ni ti gani samungu, nga gu ni dadi yo gani ingapai.

²Boro maku nga gu ni Yekova ageda nga irairapai kuti ni ya, nga gu ni adu nga na biriki ti toroni a ya.

³Ho mi afura nga ni ya amemere akuruka tipa gi uko na uru pitipiti.

⁴Bambiko bero anidu auru re uru na yuru nyanyaki; omere ugu wa ti rago faarago.

⁵Mi aidi pa gi ingapai foro, mi aoka nga gi irairapai te; mi aya, “Mi akúsa pa gi samungu fu Yekova”; mo ki vu gu irairapai nga ga gi ingapai.

⁶Si du agu yo dunduko du na sinombori i kpari foro ni gu rago i ka bi ro; ho bakere abaime ka hi ni, si afú nga ki mbedi na yo te.

⁷Mo du ni gi bagbuko; mo nabanda re be fudifudipai; mo nake pati re kirikiri na sima abia bata.

⁸Mi arába ro ki yugu pai foro ngba gu gene mo ka ndu ngba ha; mi arúga ro ni maa bangire ti ro.

⁹Ka mo dú nga wa farasi na dongi a ya, adu nga na rugatinapai ti ra ya, nga agu ra i nazia ngbara na marã rugangba na giringba a, ka si adu nga wo ya, ami mbedi nga na mo te.

¹⁰Imisiripai namaa pai fu gbegberẽ aboro; ono gu ni nakida kuti Yekova, weneringise nake pati ni kirikiri.

¹¹Oni nga ruru aboro, oni ngí rogo Yekova yo, ki du pusiapusia, agu roni dunduko du kpotoroni yo ni ruru he, oni ngbíko ni ngbarago!