Read zande Atambuahe 34 Bible Online

Atambuahe 34 - zande bible

Atambuahe 34

¹Mi asámbua Yekova ti arago dunduko; tambuako adú ngbare kindi.

²Mbisimore nasambua tihe rogo Yekova yo; rungorungo aboro gí pa ha, ki ngi angi.

³Ako, ani táasi rimo Yekova na oni, ani mongo kíisi pa rimoko!

⁴Mi agbata Yekova, ko ki karaga pai fere, ki batasi re be gimi agunde dunduko.

⁵I ngére koyo du ko ni a, kpakpuyo ki du imaima; ka pa mungo adú nga ti kpakpuyo ya.

⁶Gi rungorungo boro re akpari, Yekova ki gi pa ni, ki batasi ni be agu apai nafuda ni dunduko.

⁷Ga Yekova maraika navo gbu pati agu yo nagunde ti ko ki batasi yo.

⁸Ako, oni ía Yekova ka bi ko ko du ni wene ko! Boro maku nga gu ni ninafu tini ku be ko!

⁹Ako oni gúnde ti Yekova, oni nga gako ziazia aboro, zingo ahe amanga nga agu yo nagunde ti ko te!

¹⁰Zingo ahe namanga paranga abahu, ami du na gomoro; ono agu yo nagbata Yekova a nga wene he ho sa ka zingo ho mangi yo te.

¹¹Ako awiri aboro, oni yé ki gi pa re, mi ayúgo pa gunde ti Yekova fu roni.

¹²Gini boro nga gu ni ngba unga angba ti ni, ki nikpi nyemu du na dungu arame, ni bi wenepai?

¹³Mo bánda mirãro ti gbigbitapai, na ngbaro tipa gumba nangahe.

¹⁴Mo gúari pati gbigbitapai, ki mangi wenepai; mo gbáta zereda, ki dusia ha.

¹⁵Bangiri Yekova du ti ruru aboro, tuko ni haha ha tipa gayo kpe ku ari.

¹⁶Kpakpu Yekova du kuti amangi gbigbitapai, ka gbandaka tingida pa yo zegino.

¹⁷Ho ruru aboro napaa ni ku ari tipa undahe, Yekova nagia ha agia, ki batasi yo be agu apai nafuda yo dunduko.

¹⁸Yekova du mbembedi na agu yo du kpotoyo yo na rungo, ki nibatasi agu yo toroyo naima be ingapai.

¹⁹Gbigbitapai namanga ruru boro ngenge; ono Yekova nabatasa ni be he dunduko.

²⁰Ko nabanda amemeni dunduko; a nga gu sa kiti te.

²¹Gbigbitapai aímo gbegberẽ aboro; i agbárasa ngbanga fu agu yo nasoga ruru boro.

²²Yekova natumo unga avuruko; a nga gu ni sa nafu tini ku be ko i ka gbarasa ngbanga fu ni te.