Read zande Atambuahe 39 Bible Online

Atambuahe 39 - zande bible

Atambuahe 39

¹Mi aya, “Mi amákia pa gimi apai, ya ka mi íngi nga pai ni mirãre ya; mi arúga ngbare na giringba, wa gbegberẽ boro bara bangire.”

²Mo aongo kii wa irabubo, wa mi afura nga ya, si aunda nga pai te; gi rungo ki moi pai,

³kpotore yo ki foi. Mi ata makia pai we nirungudi; mi ki mo ka fura ni mirãre:

⁴“Yekova, mo ídi ya mi ini pa digida gi pai, na pa gimi arame, waĩ du he; mi íni pa gu guru rago du tipa ungare!”

⁵Mo ngére, mo aringbisi gimi arame wa ka i ringbisi he kuti akpabe, pa rago ungare bangiro ni he te. Ni rengo aboro dunduko nadu ho wa kina uturangba!

⁶Ni rengo boro nata kirikiri wa kina kirima he gbua! Ni rengo i nivura du ni fudifudi yo vurũ; boro nadungura ũkumuko, ka ni aina nga gu boro nikaroga ha ya!

⁷“Awere Gbia, gini he mi asunguda? Gi maabangirise du kina koyo du mo ni.

⁸Mo bátasi re be gi samungu dũ. Ka mo sá nga re ni ũgbarasarimo fu iramungo ya!

⁹Mi du na kisikisi ngbare, mi aza nga ngbare te; bambiko mo du namangi he wo.

¹⁰Mo dí ga mbusa ti re; mi nyasi be ga duria he ni bero.

¹¹Ho mo naruga boro ni ni zapai tipa irairapai, mo nanyasa wene ngbanyani wa kina agbaru; ni rengo aboro dunduko wa kina uturangba!

¹²“Ako Yekova, mo gí gi kpetambuahe, mo yé turo sa gi kpe ku ari; ka mo nióngo nga tipa gimi aume ya! Bambiko mi wa kungba boro foro, ki du ni nungunungu boro, wa kina atitare dunduko.

¹³Ako mo mbú nga re toni, mi ba omere, mbata mi nikaguari erẽ, ka mi adu nga ho berewe ya!”