Read zande Atambuahe 4 Bible Online

Atambuahe 4 - zande bible

Atambuahe 4

¹Ako Mbori gu pai ru fere, mo káraga pai fere ho mi nikpari ni foro! Ho pai afudi re ni, mo akusi re. Mo íni pai fere, ki gi gi kpetambuahe.

²Ako awiri aboro, rame adú waĩ i nisa gi taarimo ni wasiro? Rame adú waĩ oni nikpi nyemu kungba apai, ki nigbata zire?

³Ono oni íni he ya Yekova kpara gu ni mangi sino Mbori tipa ko; ho mi nakpara ni fu Yekova ko nagia ha agia.

⁴Oni rú na gunde, ka oni niíngi nga pai ya; oni bérẽ pai kpotoroni yo auru gaoni abarame, ki sungu zaa.

⁵Oni túmo ni agu amotumo nga rurupai, ki nikida kuti Yekova.

⁶Dungu aboro ninaya, “Ako da ka yugu wenepai fu rani? Ako Yekova, mo túmba ima kpakpuro ku ri rani!”

⁷Mo amoi ngbarago ku kpotore yo, bakere ti ga agu yo ninangba ho gayo zende ahe namaa pai ni na imekakue a.

⁸Mi ata pi ki nira a zezeredi; bambiko kina mo, Yekova, kina ro naya mi niraki ni bandabanda re.