Read zande Atambuahe 41 Bible Online

Atambuahe 41 - zande bible

Atambuahe 41

¹Boro maku nga gu ni naberã pa rurungbura boro! Yekova abatasa ni rago gbigbitapai;

²Yekova abanda ni, ki ka kuti ni ni ungani; ni adu ni boro maku zegino; mo afu nga ni kuti sangba avurani te.

³Yekova angarãsa ni auru gani barame rago rungbura ni; mo nambakada gani ba rago gani kaza.

⁴Mi aya, “Ako Yekova, mo íni pai fere; mo húsi mbisimore; bambiko mi aingi pai kuti ro!”

⁵Avurare nita gumba gbigbitapai kuti re, niya: “Ko akpi ni gini rago, rimoko ki go?”

⁶Ka gu ni ye ka bi re, ni nagumba kina wia, kpotoni yo ki nidungura irairapai kuti he; ho ni nakura ni ka ta, ni nagumba pa ha.

⁷Agu yo dunduko nasoga re i ninagumba rondo re; i ninaberã pai kuti re sa imisare.

⁸Ya yo, “Kere kaza zi ko nyanyaki; wa pi ko awere ko agúari nga ku ari berewe te.”

⁹Ii, wene badiare a, nga gu ni mi akida kuti ni, nari gi riahe, ni atumba gidoni sa re.

¹⁰Ako Yekova, ono mo, mo íni pai fere, ki tumba re ku ari, mi iri bape kuti yo!

¹¹Si du ini mi he ti ni ya rago ngba ti ro mbiko re, bambiko vurare ata nga ngbani ku ri re te.

¹²Ono tipa re, mo nazada re mbiko mi du ni irarengo, ki moi re bara bangiro nye anye kindi.

¹³Yekova du ni sambuasambua ko, nga ga Yisaraere Mbori, mbata rago nikaenga, nye anye kindi! Amina na Amina.