Read zande Atambuahe 46 Bible Online

Atambuahe 46 - zande bible

Atambuahe 46

¹Mbori nga gaani bagbuko nga gaani ome a, du ni mounda mbembedi rago fudifudipai.

²Si du ani agúnde nga te, ka kpotosende vura sa tihe vurũ, ka i gbisi abaagangara ku bebere abaime yo;

³ka gaha aime apaa guu ni sungbura asungbura, wa ka abaagangara wo awo be fu ime.

⁴Badi du ho, gaha aime nangiisa ga Mbori bakporo, nga gu kparakpara ziazia banye nga ga gu Ko nga Bahe ki susi.

⁵Mbori du rogo ho, ka i gbísi nga ha te; Mbori aúnda ha, kina ho rago ka gira ni.

⁶Arikaaboro amanga nzengerenzengere, angbi ki gbisi; ko apaa apaa ni fugoko, kpotosende ki nizaraga.

⁷Yekova nga ga arimbasa ko, ko du na ani; ga Yakoba Mbori nga gaani sosono kirikiri gbata.

⁸Oni yé ka bi agu apai Yekova amangi, nga gu kere gbarasaahe ko amangi auru kpotosende no.

⁹Ko namanga pai, vura nyasi digida kpotosende yo; ko nakua mboto, ki kuadi baso rukutu, ko nazo angbagidavura ku we yo!

¹⁰“Oni súngu zaa, ki ini ya mi nga Mbori. Mi nadu ni kiisikiisi pa re dagba arikaaboro, mi nadu ni kiisikiisi pa re zegino a!”

¹¹Yekova nga ga arimbasa ko, ko du na ani; ga Yakoba Mbori nga gaani sosono kirikiri gbata.