Read zande Atambuahe 47 Bible Online

Atambuahe 47 - zande bible

Atambuahe 47

¹Ako, oni nga aboro dunduko, oni tá beroni! Oni tá ngbaroni fu Mbori na abia diabese!

²Bambiko Yekova du na kiki nga Bahe ki susi, ni bakere bakindo ku ri zegino dunduko.

³Ko asa aboro i ra fu rani, na arikaaboro ku tii ndurani yo.

⁴Ko asia gaani ũkumbo fu rani, nga gu bakere irisa nadu fu Yakoba, gu ko ko nakpi nyemu ko.

⁵Mbori ndu ku ari yo rogo tatangba, nga Yekova na woro nambongo.

⁶Oni bí abia tambuahe fu Mbori, oni bí abia tambuahe! Oni bí abia tambuahe fu gaani Bakindo, oni bí abia tambuahe!

⁷Bambiko Mbori nga bakindo ku ri zegino dunduko; oni bí abia tambuahe na rugatinapai!

⁸Mbori nazoga arikaaboro; Mbori nasunga auru gako kparakpara ziazia mbatabakindo.

⁹Abarumbatayo dungura tiyo nga ga aboro yo ka du ni aboro fu ga Abarayama Mbori. Bambiko avurakube zegino nga ga Mbori he; ko du ni kiisikiisi pa ko gbe!