Read zande Atambuahe 48 Bible Online

Atambuahe 48 - zande bible

Atambuahe 48

¹Yekova nga bahe rengbe na tambua ko ni bakere he gbe, rogo gu bakporo nga ga gaani Mbori! Gako kparakpara ziazia bagangara

²baha du ni wene tumbatumba ha, du ni ga zegino ngbarago dunduko, nga Bagangara Siona, du tuturũ ku nodiyo, nga ga bakere Bakindo bakporo.

³Mbori ayugu tiko ni sosono kirikiri gbata rogo gaha agbata.

⁴Oni ngíre, abakindo adungura tiyo, i amongo ni susi pati he.

⁵Ho i abi he ni, si ki iriwo ti yo, i akigi, i ki oro ku sa yo ni ipo;

⁶kio ki zi yo, na imisiripai, wa ga gu de naima be vungu.

⁷Mo naakuadi ga Tarusisa abaakurungba na gu yuge naye uroyo.

⁸Wa ani agi pa ha, kina wo bi ani he rogo ga Yekova bakporo nga ga arimbasa ko, rogo gu bakporo nga ga gaani Mbori, Mbori nanyakasa ha nye anye kindi.

⁹Ako Mbori, ani aberẽ pa ga weneringise, rogo ga yekaru yo.

¹⁰Ako Mbori, wa du rimoro, kina wo du tambuaro a da kuti digida zegino yo. Kumbabero hi be rurupai;

¹¹Bagangara Siona ngí angi! Awiri aYudo dú pusiapusia nga ade, tipa gamo asarangbanga!

¹²Oni tá rogo Siona, ki ke pati he kirikiri, oni gédi gaha tumbatumba kirikiri agbata,

¹³oni mákia pa gaha due akanda, oni kpária pa gaha tumbatumba agbata; si du oni ka gumba pa ha ti ni fu gu rika ngbatunga aboro nikaye,

¹⁴ya gi Mbori re, nga gaani Mbori nye anye kindi. Ko adú ni gaani bangbembatayo nye anye kindi.