Read zande Atambuahe 52 Bible Online

Atambuahe 52 - zande bible

Atambuahe 52

¹Ako iranyaka, tipagine mo naabia tiro ti ni rogo gbigbitapai? Ga Mbori weneringise nye anye kindi.

²Mirãro ninasanga kere gbegberẽpai, wa tĩtĩ musa mo nga bamangi sunge ni biriki.

³Mo nakpi nyemu kina gbigbitapai susi wenepai, na gumba zire susi gumba rengo.

⁴Mo nakpi nyemu fugo sokposokpo apai dunduko, Ako, mo nga kina mirã biriki.

⁵Mbori agbárasa ro nye anye kindi; ko azía ro ki tuka ro rogo ga bamburoko; ki mo ro rogo ringara unga aboro.

⁶Ruru aboro abí he a, ki gunde, ki ta moma ko, niya,

⁷“Oni bí, gi kumba re asa nga Mbori ni gako gbata ya, ono ko nakida kuti kina gako ũkumuko du ni dungu he, ki ninyakasi tiko na gako kumuko!”

⁸Ono mi tigimi, mi wa fogo ngua eraya rogo ga Mbori bambu yo. Mi nakida kuti ga Mbori weneringise nye anye kindi.

⁹Mi afú tambuahe foro nye anye kindi, bambiko mo namangi he. Mi asúnguda pa rimoro, bambiko si ni wene he, ku bangiri gamo ziazia aboro.