Read zande Atambuahe 56 Bible Online

Atambuahe 56 - zande bible

Atambuahe 56

¹Ako Mbori, mo íni pai fere, bambiko aboro nakpi nyemu ka rita re; aborovura narungosi re na uru pitipiti,

²avurare nakpi nyemu ka rita re na uru pitipiti, bambiko i ni dungu yo naso vura kuti re ni enda.

³Ho mi ka gunde ni, mi akída kuti ro.

⁴Mbiko Mbori mi natambua gako pai, mi nakida kuti Mbori, zanga gunde. Gini pai rengbe borose ka manga re na ni?

⁵I nairasi gimi apai na uru pitipiti; gayo aberẽ kuti re dunduko ni kina gbigbitapai.

⁶I naadungura tiyo, i naaoka tiyo, i naakparia pa fuo ndure, a wa i amaa rago tipa mbisimore,

⁷kina wo mo ka manga fu yo tipa gayo irairaapai; Ako Mbori, mo báfu aboro ku sande ni zinga!

⁸Mo nageda pa gimi anunguro; mo úka aumere ku rogo ga mangu ime! Ati si ni keke he rogo ga kitabu yo, te?

⁹Si du avurare ka karaga tiyo ti ni ku sa yo ni gu rago mi ka kpara. Gere ini mi ti ni, Mbori du tipa re.

¹⁰Mbiko Mbori mi atambua gako pai, mbiko Yekova mi atambua gako pai,

¹¹mi nakida kuti Mbori, zanga gunde. Gini pai rengbe boro ka manga re na ni?

¹²Ako Mbori, mi amánga gimi akidohe foro; mi afú amotumo tambuahe foro.

¹³Bambiko mo abatasi mbisimore be kpio, ii, mo abatasi ndure be tigo, ya mi nita bara bangiri Mbori rogo gu imarago nga ga unga.