Read zande Atambuahe 58 Bible Online

Atambuahe 58 - zande bible

Atambuahe 58

¹Oni nga airanyaka, oni naruga gu pai dũ nzunzu? Oni naasapa ngbanga fu awiri aboro ni ruru he?

²Ai, oni nasanga gbegberẽapai kpotoroni yo; oni namanga pa zuu ni beroni auru kpotosende no.

³Gbegberẽ aboro angbuo angbuo ti rago kura yo rukumbu yo, ni gu rago i nibatika yo i ki ingi ni ba sa, nigumba zire.

⁴Kere ngua be yo du wa ga wo, i wa gu kpokporokusu nakisa turu agia nga pai ya,

⁵agia nga fugo gu boro nazia ru ni birĩ ya, ka gani birĩ vura du na tatamana vurũ.

⁶Ako Mbori, mo kúadi rindiyo ngbayo yo; Ako Yekova, mo mófo gburuka paranga abahu ku sa yo!

⁷I záraga wa gu ime nafu afu suwe; ho ko nabafa gako asiida ni, i nidu wa i du ni dewedewe yo.

⁸I dú wa duru nasuka sureru ka u anye nga ya, wa agba gude niti vuru de yo ata bi nga uru ya.

⁹Mbata we tii akiwe nikada ti gaoni pere we yo, ko adía ha ku sa yo iwo ho na gbitiri he a!

¹⁰Ruru boro angí ho ni ka bi pa irabape ni; ni azúnda nduni rogo kure gbegberẽ boro.

¹¹Si du aboro ka ya ti ni, “Mosoro du ho tipa ruru boro ni rengo; Mbori du ho ni rengo nasapa ngbanga zegino.”