Read zande Atambuahe 6 Bible Online

Atambuahe 6 - zande bible

Atambuahe 6

¹Ako Yekova, ka mo nizá nga re ni ga zinga, ki nimbusi re ni ga fafoi erã ya.

²Ako Yekova, mo íni pai fere; bambiko ugudi mi auguda; Ako Yekova, mo úsi re, bambiko amemere naegerã aegerã.

³Mbisimore naegerã a gbe. Ako Yekova, ono mo ― rame adú waĩ?

⁴Ako Yekova, mo káraga tiro, ki batasi ungare; mo bátasi re mbiko ga weneringise.

⁵Bambiko boro atingida nga pa ro rogo kpio yo te; da ka fu atambuahe foro Baatoro kpikpi aboro yo?

⁶Mi foko be gi uko; mi nazirisã gi barame na yuru; mi naukadi gi kitikpara na aumere.

⁷Bangire nagaka be gi rungo, si nadu tataita be agu yo nafuda re dũ.

⁸Oni gúari ti re, agu roni dunduko nga amangi irairapai; bambiko Yekova gi pa gi kpe ni aume.

⁹Yekova gi gi kpesarawati; Yekova naida pa gi kpetambuahe.

¹⁰Zee amánga avurare amanga dũ, i aégerã gbe; i akáraga tiyo, zee amánga yo amanga ni ba sa.