Read zande Atambuahe 63 Bible Online

Atambuahe 63 - zande bible

Atambuahe 63

¹Ako Mbori, mo nga gi Mbori; mi nagbata ro sirisiri, gomoro pa ro namanga mbisimore; borore naonya tipa ro, wa rogo gu ringara ugu auga du na mbugo, adu nga ime rogo ho ya.

²Si du mi abi ro rogo kparakpara ziazia ba, ki bi ga ome na ga taarimo.

³Bambiko ga weneringise ni wene he ki susi unga, si du mi atáasa rimoro ni ngbare.

⁴Si du mi asámbua ro ti ni wa du mi ni ungare; mi atúmba abere ku ari ti rimoro.

⁵Mbisimore arengbe wa si nimbi be nzeme meme na nzeme, ngbare natambua ro, kpotongbare ki du pusiapusia,

⁶ho mi natingida pa ro ni auru gi barame, ki nimakia pa ro ti arago maarago yuru;

⁷bambiko mo adu ni gi mounda, mi abi bia ngbarago tii kirima puporo.

⁸Mbisimore naka kuti ro; kumbabero nasongoda re.

⁹Ono agu yo ninagbata mbisimore, ka gbarasa ha, i azórã ku sende yo tii sende yo;

¹⁰i afu yo ku be tandu basape, i adú fu ahúa ni ũmozi.

¹¹Ono bakindo angí angi mbiko Mbori; agu yo dunduko nazunga he ti rimoko i asámbua tiyo; bambiko i akísa ngba airazire.