Read zande Atambuahe 64 Bible Online

Atambuahe 64 - zande bible

Atambuahe 64

¹Ako Mbori, mo gí fugore rago gi baka bangirise; mo nibánda ungare ti gunde be iravura,

²mo nióko re be gu tabura du ni gbuko nga ga amangi gbigbitapai, be gu bau nga ga amangi irairapai a,

³nabeda mirãyo wa basape, nibafu gayo nirãnirã apai wa asiida,

⁴ki nibafu he kuti boro wenesa ni gbuko, ki nibafu he kuti ni rure, zanga gunde.

⁵I naangarãsa tiyo rogo gbigbitapai; i naagumba pa re gbina ni rondo, niberẽ he ya, “Da nikabi yo?

⁶I naagbata irairaapai. Ani berẽ pa tabura ni birĩ.” Bambiko gu berã du rogo aboro yo ni ba sa sa, si ni gasigasi he, na kpotoyo yo a!

⁷Ono Mbori anó yo na gako asiida; i ahõ ni ba sa.

⁸Si du i ka manga yo ti ni, i koto, mirãyo asa tihe kina kuti yo; agu yo dunduko nikabi yo i apíkipo riyo.

⁹Aboro dunduko ki gunde; ki nitaki pande pa ga Mbori mangapai, ki berẽ pa gako mangapai ni tatamana.

¹⁰Ruru boro ngi angi rogo Yekova, ki fu tini ku be ko! Agu yo dunduko du kpotoyo yo ni ruru he i sámbua tiyo!