Read zande Atambuahe 65 Bible Online

Atambuahe 65 - zande bible

Atambuahe 65

¹Ako Mbori, tambuahe du foro Siona yo; i adígisa pa akidohe foro.

²Ako mo nga gu ko ninagia kpetambuahe! Aboro dunduko nikaye koyo du mo ni

³bambiko irairapai. Ho gaani samungu naadia ni be rani mo ninavu rani.

⁴Boro maku nga gu boro sia mo ni ki mbedisi ni na mo, ni nye rogo gamo avurukporo! Si du ani ka mbi ti ni be gu bawene ahe du rogo ga bambu, nga ga kparakpara ziazia yekaru!

⁵Mo nakaraga pai fu rani rogo agu apai du na kiki na bata, Ako Mbori nga gaani bata, mo nga gu ko ka aboro akida kuti ro digida kpotosende yo dunduko, na agu yo du tuturũ ku bangiri baime yo a;

⁶nga gu ko nanyakasa abaagangara ku baha ni tandu, du ni tapatapa ko na ngarã;

⁷naongosa woro abaime, na woro gaha sungburasungbura aime, na ga aboro gbarakagbaraka apai;

⁸si du agu yo naraka digida kpotosende yo i nagunde be ga yuguyugu apai; mo naya ho wiso ka nida ni si ningbiko angbiko na nyemu a.

⁹Mo nangera ku kpotosende no ki nikedi mai ku auru he, mo ninakumukosi he gbe; ga Mbori di nahi be ime; mo ninafu zende ahe fu yo, bambiko wo mo ambakadi kpotosende.

¹⁰Mo nakeda mai ku auru gaha apukusa kpua, ki nisodi gaha anduka a, ki nirungburasi he na zoo mai, ki nifu maku fu gaha zugazuga zuzu ahe.

¹¹Mo nadigisa pa kiisa garã ni gamo bawene ahe kpaima; gamo agene ki niukaga nzeme.

¹²Abanambu ngbakungba yo naukaga ha a, agangara ki du ni tapatapa ha na ngbarago,

¹³arimbasa akandoro ki hisi abanambu, zende ahe ki dadi ngboongboorago a, si dunduko nata wawa mbiko ngbarago, ki nibi abia a.