Read zande Atambuahe 67 Bible Online

Atambuahe 67 - zande bible

Atambuahe 67

¹Mbori niíni pai fu rani, ki nifu maku fu rani, ki ya kpakpuko nihasi rago fu rani,

²i ini ga pai zegino, na pa tandu ga bata dagba arikaaboro dunduko.

³Ako Mbori, aboro nitámbua ro; aboro nitámbua ro atambua dunduko!

⁴Arikaaboro ningí angi ki ningbiko ni ngbarago, bambiko mo nasapa ngbanga aboro nzunzu, ki nizogo arikaaboro auru kpotosende.

⁵Ako Mbori, aboro nitámbua ro; aboro nitámbua ro atambua dunduko!

⁶Sende azugasi gaha zuzu ahe; Mbori, kina gaani Mbori, naafu maku fu rani.

⁷Mbori naafu maku fu rani; i gúnde ti ko digida kpotosende yo dunduko!