Read zande Atambuahe 7 Bible Online

Atambuahe 7 - zande bible

Atambuahe 7

¹Ako Yekova gi Mbori, mi fu tire ku be ro; mo bátasi re ki tuka re be agu yo dunduko napeka fuo re,

²i ka sipa re wa bahu, ki gbefe re ku sa yo, zanga boro ka batasa re.

³Ako Yekova, gi Mbori, si ngia mi mangi gere, si ngia irairapai ti re,

⁴ka ngia mi amangi gu ni gbigbita ani adu na ni zezeredi watadu mi agbu ga fudire ahe zanga nduhe,

⁵iravura dó fuo re, ki gbia re, ni símbi ungare ku sande, ki ba gi taarimo ku nvutu yo.

⁶Ako Yekova, mo gúari ni ga zinga, mo túmba tiro kuti dingidingi ngbadu agu yo nafuda re; mo zíngi rame yo tipa re; mo aringbisi pa sarangbanga.

⁷Rimbasa agu aboro vó gbu pati ro; mo káraga tiro ku ari yo.

⁸Yekova nasapa ngbanga fu aboro; Ako Yekova, mo sápu ngbanga fere, kina kuti gi rurupai, na gu rengo du kpotore yo.

⁹Ako gu gbegberẽpai dígi adiga nga ga gbegberẽ aboro, ono mo ninyákasi ruru aboro, bambiko ruru Mbori naasada berã boro na kpotoni yo.

¹⁰Gi vurakube du be Mbori, nga gu ko nabatasa agu aboro du kpotoyo yo ni ruru he.

¹¹Mbori nga ruru basapungbanga, nga Mbori du na imisiri ngbaduse na uru.

¹²Ka boro asa nga gani berã ya, Mbori abéda gako basape; ko darĩ gako mboto, si ki rengbe;

¹³ko mangi aũkpio tipa ni, ki mangi gako asiida wa asiida we.

¹⁴Mo ngére, gbegbere boro nasanga kina irairapai, ni na mobara sawia, ki vungu kina zire.

¹⁵Ni nage due, ki nimbakadi he, kina ni ki ti ku rogo gu due ni age.

¹⁶Gani sawia aaria tihe kina ku ri ni, gani zuu ki ye kina ku ri ni a.

¹⁷Mi afú tambuahe fu Yekova a wa du gako rurupai, ki bi bia tambuahe ti rimo Yekova nga Bahe ki susi.