Read zande Atambuahe 75 Bible Online

Atambuahe 75 - zande bible

Atambuahe 75

¹Ako Mbori, ani nafu atambuahe foro; ani nafu atambuahe; bambiko mbedi rimoro ambeda, aboro nataka pande pa ga iiriwo mangaapai.

²Ho gu rago ka da ni nga gu mi aringbisi mi ni tire asápa ngbanga nzunzu.

³Ho kpotosende nawo ni na agu aboro dunduko naraka rogo ho, mi du nanyakasa adangba ha.

⁴Mi naya fu airarekangose, “Ka oni nireke nga ngoroni ya,” na fu gbegberẽ aboro, “Ka oni nikíisi nga pa tironi ya;

⁵ka oni nikíisi nga pa tironi ku ari a ya, ka oni nifúra nga na nyakari a ya.”

⁶Bambiko tumbatise aye nga uroyo, na dioyo, na pavururago yo a te;

⁷ono kina Mbori du ni basapungbanga, ko nazoga gu ni, ki nikíisi pa gu ni.

⁸Bambiko inga du be Yekova, imekakue nangbi ni kodikodi he du yo; ko aúka ha ti kina ngbaha, gbegberẽ aboro dunduko zegino ambira ha dati agbooro ho.

⁹Ono mi tigimi ataka pande ro nye anye kindi, mi abí bia atambuahe fu ga Yakoba Mbori.

¹⁰Mi aróga ome gbegberẽ aboro dunduko ku sa yo, ono ome ruru aboro adú ni kiisikiisi pa ha.