Read zande Atambuahe 76 Bible Online

Atambuahe 76 - zande bible

Atambuahe 76

¹I ini Mbori Yuda yo, rimoko du ni bahe Yisaraere yo.

²Gako basura du Sarema yo, gako baraka du Siona yo a.

³Yo ko akuadi asiida ni, na vurakube, na basape, na ũsovura a.

⁴Mo du ni taasitaasi ro, ngba mo angba, ki susi baagangara gbuahe.

⁵1 agbarasi pa eerẽ aboro; i ki tiwi ni rame; a nga kangarã boro sa arengbe na manga sunge na beni te.

⁶Ako ga Yakoba Mbori, be ga zapai, ngbagidavura nati ti ni ni ndundundu rame na farasi a.

⁷Ono mo tigamo du na kiki! Da rengbe ka ru ku bara bangiro ho ga zinga natona ni?

⁸I gi ga sarangbanga no naye angbangbaturũ yo; kpotosende agunde ki ru zaa,

⁹ho Mbori aguari ni sa sarangbanga, ka batasa bayee aboro dunduko kpotosende no.

¹⁰Ga boro erá atámbua ro ni rengo; yangara erá mo ka kaa tiro na ni.

¹¹Oni kído he, ki digisi pa ha fu Yekova nga gaoni Mbori; agu yo du pati ko kirikiri i niye na atisa fu gu ko ka i agunde ti ko,

¹²nga gu ko naroga toro awiri abazogo ku sa yo, du na kiki fu abakindo zegino.