Read zande Atambuahe 8 Bible Online

Atambuahe 8 - zande bible

Atambuahe 8

¹Ako Yekova, gaani Gbia, na ngba rimoro auru kpotosende dũ! Mo naamoi ga taarimo auru angbangbaturũ.

²Mo anyakasi ome ku ngba rukutu agude na agu yo naha mai, mbiko agu yo nafuda ro, ka za iravura na bairibape.

³Ho mi nangana gamo angbangbaturũ ni, nga gu mangaapai nga ga wirinzagaro, na gu diwi mo amoi ru na akerekuru;

⁴gini he nga boro, mo naaberã pa ni? na wiri boro, mo naandu ka bi ni?

⁵Bambiko mo asa ni ni du ni umba pa ni susi Mbori, mo amaa kpakpari taarimo ku ri ni yo na irisa.

⁶Mo amoi ni ni nizogo gu mangaapai nga ga bero; mo amoi ahe dunduko kina ku tii nduni yo,

⁷akandoro na abaabagara dunduko, na agu anya du nvuo yo,

⁸azire ari, na atĩo baime, na agu ra nata ngba agene abaime a.

⁹Ako Yekova, gaani Gbia, na ngba rimoro auru kpotosende dũ!