Read zande Atambuahe 80 Bible Online

Atambuahe 80 - zande bible

Atambuahe 80

¹Ako Babanda aYisaraere, mo ye turo kono du ani ni, mo nga gu ko nangbe ku mbata yo fu Yosefa wa fu rimbasa anya! Mo nga gu ko nadu ku ri ba akeruba, ga imarago kuru

²ku bangiri aEfuraima na Benyamina na Manase! Mo zíngisi ga ngará, ki ye ka batasa rani!

³Ako Mbori, mo karága rani berewe; ki ya kpakpuro hasi rago, ani ki ba,

⁴Ako Yekova Mbori nga ga arimbasa ko, rago adu waĩ mo nizingi kuti ga gamo aboro kpetambuahe?

⁵Mo arigi yo na riahe nga aume, mo afu aume fu yo i mbiri ra gbe.

⁶Mo naasa rani ni ũkpata fu akuarani; avurarani nimomu dagba yo.

⁷Ako Mbori nga ga arimbasa ko, mo káraga rani berewe; ki ya kpakpuro hási rago, ani ki bati!

⁸Mo aye na giri kakue Ezipeta yo; mo adandi arikaaboro, ki rú he.

⁹Mo ambakadi ba tipa ha; tarãha arimi gbe, si ki wa rogo ringara dunduko.

¹⁰Nzeremehe adadi abaagangara dunduko, behe adu wa ga Mbori ngua akedara;

¹¹si anataá behe daku baime yo, fogo ngbaho ho ki da ku Di yo.

¹²Tipagine tie mo akuadi gaha ngapa ti ni, ya agu yo dunduko nasusa pati he, i nikafu he?

¹³Zigba birengua yo nagbarasa ha, anya nvuo ki niriti he.

¹⁴Ako Mbori nga ga arimbasa ko, mo káraga tiro berewe! Mo ngere ngbangbaturũ yo, ki bi he; ki berẽ pa gi giri kakue re,

¹⁵nga gu du ati kakue yo kumbabero arũ, mo anyakasi he tipa ro.

¹⁶I azo ho ni we, i ade he ku sande; i kpíki be gu zapai du ti kpakpuro!

¹⁷Ono bero nidú ti gu kumba nga ga kumbabero ko, ti gu wiri boro a mo anyakasi ni tipa ro!

¹⁸Si du ani ka guari nga ti ni pati ro ya; mo fú unga fu rani, ani ki kpari ti rimoro!

¹⁹Ako Yekova Mbori nga ga arimbasa ko, mo karaga rani berewe! ki ya kpakpuro hási rago, ani ki bati!