Read zande Atambuahe 82 Bible Online

Atambuahe 82 - zande bible

Atambuahe 82

¹Mbori naru dagba gu rimbasa aboro nga ga Mbori yo; ko ninaruga sarangbanga dagba ambori:

²“Rago adú waĩ oni nisapu ngbanga ni iraira ha; niidi pa sino gbegberẽ aboro?

³Oni sápu ngbanga ni ruru he fu rurungbura boro na wirinyaure; oni maángi gu pai ru aru fu rungorungo boro na irakube.

⁴Oni bátasi rurungbura boro na irazingo ahe; ki rogo yo be gbegberẽ aboro.”

⁵Du nga yo na inahe te, i aruga nga tiyo na pai a te, i ninata bitimo yo ku bani na ku bani; amburu kpotosende nagbisa dunduko rogo gu baha.

⁶Mi ya, “Oni nga ambori, oni dunduko nga awiri gu Ko nga Bahe ki susi;

⁷ono oni akpíka wa aboro, ki tiwi wa kina wiri bazogo.”

⁸Ako Mbori, mo gúari, ki sapu ngbanga zegino; bambiko rikaaboro dunduko nga gamo yo!