Read zande Atambuahe 83 Bible Online

Atambuahe 83 - zande bible

Atambuahe 83

¹Ako Mbori, ka mo óngo nga kii ya; Ako Mbori, ka mo sungu nga zezeredi ya, ki sungu zaa a ya!

²Bambiko, mo ngére, avuraro nata wawa; agu yo nasoga ro i tumba riyo ku ari.

³I nata bura dagba yo kuti gamo aboro; ki nigumba rondo dagba yo kuti gamo bandabanda aboro.

⁴Ya yo, “Oni yé, ani gbárasi yo ka i adú nga ni rikaaboro berewe ka i atingida nga pa rimo Yisaraere berewe a ya!”

⁵Ii, bambiko i agumba rondo dagba yo wa boro sa; i naringbisa pa mokida kuti ro―

⁶ga aEdome abamburoko na aYisaraere, Moaba, na aAgara,

⁷Gebara, na Amona, na Amareka, Feresete, na agu aboro naraka Tura yo;

⁸Asura akpamia tihe na yo a; i aunda awiri Roto.

⁹Mo mángi fu yo a wa mo amangi fu aMidiano, fu Sisera, fu Yabina, pati gu di nga Kisona,

¹⁰nga agu yo i agbarasi yo Enedoro yo, i adu wa mirĩahe auru sende.

¹¹Mo sá gayo abaakumba wa Orebe, na Zebe, na gayo awiri abazogo wa Zeba na Saremuna,

¹²naaya, “Ani rógo ga Mbori abaraka ni gaani.”

¹³Ako gi Mbori, mo sá yo wa kamikami nvutu, wa kakarika barangba yuge.

¹⁴Wa we naazokoda ngua bire yo, wa mirãwe natiga abaagangara na we,

¹⁵mo nidó fuo yo a wo na ga bazigizo, ki nigundesi yo na ga mamu yuge!

¹⁶Mo bá zee ku kpakpuyo yo, i gbata rimoro, Ako Yekova.

¹⁷Zee nimángi yo na rungo nye anye kindi; i nimúngosi yo i ki kpiki.

¹⁸I ki ini he ya kina ro sa, du rimoro nga Yekova, nga gu Ko nga Bahe ki susi auru kpotosende dunduko.