Read zande Atambuahe 85 Bible Online

Atambuahe 85 - zande bible

Atambuahe 85

¹Yekova, mo angba na ga ringara; mo ayega na gu zizi yo nga ga Yakoba yo.

²Mo avu gamo aboro ti gayo irairaapai; mo adadi gayo ingapai dunduko.

³Mo adi ga dingidingi ngbaduse dunduko ku sa yo; mo asa tiro ti gu nzengerenzengere zinga nga gamo.

⁴Mo káraga rani berewe, Ako Mbori nga gaani bata, ki ya ga rungosi guari ti rani!

⁵Mo azínga kuti rani nye anye kindi? Mo aímasi ga zinga ku ri rika ngbatunga aboro dunduko?

⁶Mo aúngasi nga rani berewe, gamo aboro ki ningi rogo ro yo, te?

⁷Ako Yekova, mo yugu ga weneringise fu rani, ki nifu ga bata fu rani.

⁸Mi gí gu pai Yekova Mbori agumba ha, bambiko ko agúmba pa zereda fu gako aboro, na fu ziazia yo, ono ka i nikáraga nga tiyo sa pa mungo berewe

⁹Gako bata nambeda ni rengo na agu yo nagunde ti ko, si du taarimo ka nye ti ni rogo gaani ringara.

¹⁰Weneringise agbía tihe na rengo; rurupai na zereda adúngo tihe dagba ha a.

¹¹Rengo akúra sende yo, rurupai angéra ngbangbaturũ yo ku sende no.

¹²Ii, Yekova afu gu he du ni wene he, gaani ringara ki zugasi gaha zuzu ahe gbe.

¹³Rurupai andú ku mbata yo fu ko, ki moi fuo nduko ni gene tipa ta ngba ha.