Read zande Atambuahe 88 Bible Online

Atambuahe 88 - zande bible

Atambuahe 88

¹Ako Yekova gi Mtbori, mi nakpara tipa bata na uru; mi napaa ku ari barangba ro na yuru.

²Mo ídi he gi kpetambuahe ye ku bara bangiro, mo yé turo sa gi yambahe!

³Bambiko mbisimore hi be gu gbigbitapai namanga re, ungare nambeda koyo du Baatoro kpikpi aboro ni.

⁴I gedi re na agu yo nazorã ku Due yo; mi du wa kina gu boro adu nga ome ti ni ya,

⁵wa gu ni ba yo ni ku dagba akangba yo, wa agu yo i aimi yo piki murã yo, nga agu yo mo atingida nga pa yo berewe ya, bambiko i arogo yo be ro ku sa yo.

⁶Mo azogo re ku rogo badudungura Due, ku rogo bitimo, na rogo dudungura arago yo.

⁷Du ga erã adu ku ri re nyanyaki, mo arungosi re na gamo ngambiringambiri aime dunduko.

⁸Mo aturũsi agu yo ini mi yo ti re tuturũ gbe; mo asa re ni gbegberẽ boro bangiriyo. Mi ni kisikisi re yo mi ka akura nga ni ya;

⁹bangire nagaka agaka be gberãngbi. Ako Yekova, mi nakpara foro na uru; mi nataã bere koyo du mo ni.

¹⁰Mo nayugo banaru apai fu kangba aboro? Agu yo kpiki i aguari ka tambua ro?

¹¹I nataka pande pa ga weneringise murã yo? na ga yososopai Bagbarasaahe yo?

¹²I naina pa ga banaru apai bitimo yo? na pa ga rurupai ringara go bangirise yo?

¹³Ako Yekova, ono mi nakpara ku ari foro, wiso gi kpetambuahe naaye ku bara bangiro.

¹⁴Ako Yekova, tipagine mo naba re ti ni? Tipagine mo naaoka kpakpuro ti ni ti re?

¹⁵Mi naarungo nimbedi na kpio tona ti rago parangare daku awere, mi nahi ga baiiriwoapai; mi ki nidu ni fudifudi re.

¹⁶Ga nzengerenzengere zinga susi ku ri re; ga baiiriwoapai gbarasi re.

¹⁷Si afu ku pati re kirikiri wa aime na uru pitipiti; si mongo kisi rago pati re kirikiri.

¹⁸Mo aturũsi akpinyemure ti re tuturũ gbe na kuare a; na agu yo ini mi yo ku bitimo yo.