Read zande Atambuahe 92 Bible Online

Atambuahe 92 - zande bible

Atambuahe 92

¹Si ni wenepai ka fu atambuahe fu Yekova, na ka bi abia tambuahe ti rimoro, Ako Mo nga Bahe ki susi;

²ka taka pande pa ga weneringise na wiso, na pa ga yososopai na yuru,

³na woro gu kundi du giriru bawe, na kindondo a, na iiriwo woro nzenze.

⁴Ako Yekova, bambiko mo nangiisa re be ga sunge; mi abi bia ngbarago tipa gu mangaapai nga ga bero,

⁵Ako Yekova, na kii gamo mangaapai! gamo aberã du ni bagasigasi he!

⁶Mumungo boro arengba nga ka ina ha te; irapupo arengba nga na ruga ti ni na gi pai re a te:

⁷nga, ka gbegberẽ aboro vura kura wa tomo nvuo vurũ, amangi irairapai dunduko ki nizuga, i ringbisi yo tipa gbarasa yo nye anye kindi,

⁸Ako Yekova, ono mo du ari yo nye anye kindi.

⁹Ako Yekova, mo ngére, bambiko avuraro, mo ngére, bambiko avuraro akpíka; amangi irairapai dunduko agbándaka.

¹⁰Ono mo akiisi pa gi ome wa ga babagara nvuo; mo ambedi re ni vovo nzeme.

¹¹Mi abi gu pai ni bangire namangi kuti avurare, mi agi gu digida pai ni ture du tipa amangi gbigbitapai kuti re.

¹²Ruru boro nazuga wa sikisa, ni nasona wa ngua kedara Rebanona yo.

¹³Agu yo ru yo yo rogo ga Yekova bambu i nazuga rogo agu avurukporo nga ga gaani Mbori.

¹⁴I azúka ti rago gbinza yo kindi, i ahi be tomehe ki nifuna,

¹⁵ka yugo ho ya Yekova du ni ruru ko; ko nga gi mbia, irairapai ti ko wa sa te.