Read zande Atambuahe 94 Bible Online

Atambuahe 94 - zande bible

Atambuahe 94

¹Ako Yekova, nga Mbori du ni bairibape, Ako Mbori du ni bairibape, mo kúru!

²Mo túmba tiro ku ari, Ako mo nga basapungbanga zegino; mo fú he wa rengbe he fu airaenda!

³Ako Yekova, rago adú waĩ gbegberẽ aboro, rago adú waĩ gbegberẽ aboro nidi be apai?

⁴I nagumba pai tua ni enda, amangi irairapai nasambua tiyo dunduko.

⁵Ako Yekova, i naakuadi gamo aboro rukutu, ki nirungosi gamo siasia yo.

⁶I naimo dekurugbo na kungba boro, ki niimi awirinyaure a;

⁷i ki ya tigu, “Yekova abi nga ha te; ga Yakoba Mbori aruga nga tiko na ni a te.”

⁸Agu roni nga airamungo dagba aboro, oni rúgu tironi! Oni airapupo, oni adú na tatamana ni gini rago?

⁹Gu ko namangi tue, ka ko gi nga pai te? Gu ko namangi bangirise, ka ko bi nga he te?

¹⁰Gu ko naruga arikaaboro, ka ko rugu nga roni te? Gu ko nayugo inahe fu boro

¹¹nga Yekova, ko ini ga aboro aberã, ya si wa kina uturangba.

¹²Ako Yekova, boro maku nga gu boro mo naruga ni, ki niyugu pai fu ni rogo ga rugute,

¹³ka fu ongoda fu ni ti rago gbigbitapai, daho i ka ge due ni tipa gbegberẽ aboro.

¹⁴Bambiko Yekova abá nga gako aboro ku sa yo te; ko ambú nga gako siasia aboro a te;

¹⁵bambiko sapangbanga ayé berewe ki du ni ruru he, agu yo dunduko du kpotoyo ni ruru he i apéka fuo ho.

¹⁶Da nikaguari ku ari fere kuti amangi gbigbitapai? Da nikaru ku ari fere kuti amangi irairapai?

¹⁷Ka si adu wa Yekova adu nga ni gi mounda te, ka mbisimore aipi ki sungu zaa.

¹⁸Ho mi aya ni, “Ndure nazerenga.” Ako Yekova, ga weneringise azi re.

¹⁹Wa du sakapai ku kpotore yo ni badungu he, gamo wasawasa apai nangarãsa mbisimore.

²⁰Ka ngbanya du dagba iraira abazogo na mo, nga agu yo nasanga irairapai ni rugapai?

²¹I mongo dungura tiyo kuti unga ruru aboro, ki sapu ngbanga kuti boro wenesa sa kpio.

²²Ono Yekova du ni gi sosono kirikiri gbata, Mbori nga gu mbia nga gi bagbuko.

²³Ko ayé na gayo irairapai kina ku ri yo, ki gbarasi yo tipa gayo gbigbitapai; Yekova agbárasa yo nga gaani Mbori.