Read zande Atambuahe 95 Bible Online

Atambuahe 95 - zande bible

Atambuahe 95

¹Ako oni yé, ani bi bia fu Yekova; ani tá ngbarani na ngbarago fu mbia gaani bata!

²Ani yé ku bara bangiriko nitambua he; ani tá ngbarani na ngbarago fu ko ni abia!

³Bambiko Yekova nga bakere Mbori, nga bakere Bakindo ti ambori dũ.

⁴Gu gbugbu arago du zegino si kina be ko dũ; gu ome nga ga abaagangara si nga gako a.

⁵Baime nga gako, ko namangi he; beko nambakadi ugu sende.

⁶Ako oni yé, ani ta irisa ko nizungadi tirani; ani nikúku bara bangiri Yekova nga Bafurani!

⁷Bambiko ko nga gaani Mbori, ani nga aboro gako banambu, nga gako akandoro. Ako ka oni akpi nyemu gia fugoko areme!

⁸Ka oni nyákasi nga kpotoroni yo, wa si adu Meriba yo, rago Masa ngbakungba yo ya,

⁹ni gu rago abaroni aasadi re, ki ini pa re be wisiga re, ki bi gi mangapai.

¹⁰Garã adu 40 mi nirungo be gu rika ngbatunga aboro re, ki ya, “I nga aboro nainga kpotoyo yo, i aina nga gimi apai te.”

¹¹Si du mi ki zunga he fu yo ni gi zinga, ya, i aríma nga ku rogo gi ongoda yo te.