Read zande Atambuahe 96 Bible Online

Atambuahe 96 - zande bible

Atambuahe 96

¹Ako oni bí vovo bia fu Yekova; oni bí abia fu Yekova zegino dunduko!

²Oni bí abia fu Yekova, ki sambua rimoko; oni yúgu pa gako bata na uru na auru.

³Oni táki pande pa gako taarimo dagba arikaaboro, na pa gako iiriwo mangaapai dagba aboro dunduko!

⁴Bambiko Yekova nga bahe, rengbe na tambua ko bakere gbe; i ka gunde ti ko susi ambori dunduko.

⁵Bambiko ga aboro ambori dunduko nga kina kungba ahe; ono Yekova namangi angbangbaturũ.

⁶Irisa du bara bangiriko na bairiwo; ome du rogo gako kparakpara ziazia ba na wene ngbanya.

⁷Oni fú he fu Yekova, oni nga ngbatunga aboro, oni fú taarimo fu Yekova na ome!

⁸Oni fú taarimo fu Yekova a wa rengbe he na rimoko; oni yé na rúhe, ki ye ku rogo gako avurukporo!

⁹Ako, oni írisi Yekova ni gu wene ngbanya nga ga kparakpara ziazia pai; oni kío ku bara bangiriko, zegino dunduko!

¹⁰Oni péke he dagba arikaaboro ki ya, “Yekova nazoga rago! ii, zegino du kina ku baha kindi, ka i agbísa nga ha ya; ko asápa ngbanga aboro ni rurupai.”

¹¹Angbangbaturũ ningí angi, kpotosende ki du pusiapusia; baime nipoi apaa, na agu ahe dunduko du rogo ho;

¹²ati ningí angi, na agu ahe dunduko du rogo ho! Si du angua bire yo dunduko angbíko na bia ngbarago

¹³ku barangba Yekova yo, bambiko ko naye, bambiko ko naye ka sapa ngbanga kpotosende. Ko asápa ngbanga zegino ni rurupai, na aboro ni gako rengo.