Read zande Atambuahe 97 Bible Online

Atambuahe 97 - zande bible

Atambuahe 97

¹Yekova nazoga rago; kpotosende dú adu pusiapusia; badungu aringara du ti ngba gango abaime ngí angi!

²Dubo du pati ko kirikiri na nduunduu bitimo; rurupai na ruru sarangbanga nga mburu gako mbatabakindo.

³We ninandu ku mbata yo fu ko, ki nizokodi agu yo nafuda ko du kirikiri.

⁴Gako aikpira gumba nahasa rago zegino; kpotosende ki bi he, ki nikio.

⁵Abaagangara nazaraga ku bara bangiri Yekova wa dada, ku bara bangiri Gbia nga ga zegino ko dunduko.

⁶Angbangbaturũ nataka pande gako rurupai; aboro dunduko nabi gako taarimo.

⁷Zee namanga agu yo dunduko nairisa sese kpiaahe, nasambua tiyo tipa kungba ahe; ambori dunduko nugadi ku bara bangiriko.

⁸Siona nagia ha ki ningi angi, awiri aYudo nga ade ki du pusiapusia, tipa gamo asapangbanga. Ako Mbori.

⁹Ako Yekova, bambiko mo nga Bahe ku ri kpotosende dunduko; mo du ni kiisikiisi pa ro gbe, ku ri ambori dunduko.

¹⁰Ako, agu roni nakpi nyemu Yekova, oni sógo gbigbitapai; ko nabanda mbisimo gako ziazia aboro; ko ninabatasa yo be gbegberẽ aboro.

¹¹I nakusa imarago tipa ruru boro, na ngbarago fu agu yo du kpotoyo yo ni ruru he.

¹²Oni nga ruru aboro, oni ngí rogo Yekova, ki fu atambuahe fu kparakpara ziazia rimoko!