Read zande Atambuahe 99 Bible Online

Atambuahe 99 - zande bible

Atambuahe 99

¹Yekova nazoga rago; aboro nikío akio! Ko nasunga ku ri ba akeruba; kpotosende nizígizo tihe!

²Yekova du ni bahe Siona yo; ko du ni kiisikiisi pa ko ku ri aboro dunduko.

³I nitámbua wowo rimoro du na kiki! kparakpara ziazia ko nga ko!

⁴Ome Bakindo nakpi nyemu kina ruru sarangbanga; mo anyakasi pa apai nzunzu; mo asari ruru sarangbanga na rurupai ringara Yakoba yo.

⁵Oni kiisi pa Yekova nga gaani Mbori; ki irisi ko pati gbada nduko! Kparakpara ziazia ko nga ko!

⁶AMose dagba gako aboromotumo na Arona, Samuere dagba agu yo nakpari ti rimoko. I akpari fu Yekova, ko ki nikaraga pai fu yo.

⁷Ko anafura na yo rogo bakamikami dubo; i aka kuti gako adezirepai, na gu rugapai ko afu fu yo.

⁸Ako Yekova gaani Mbori, mo akaraga pai fu yo; mo nga Mbori navu yo, zavura ho mo airi bape gayo iraira mangapai ni vurũ.

⁹Oni kíisi pa Yekova gaani Mbori, ki irisi ko rogo gako kparakpara ziazia bagangara; bambiko Yekova gaani Mbori du ni kparakpara ziazia ko!