Read zande Asanza 20 Bible Online

Asanza 20 - zande bible

Asanza 20

¹Imekakue du ni banangi boro, baripiro du wa ũzinga; gu ni du ni nanginangi ni, iratatamana nga ni te.

²Ga bakindo gbudagbuda du wa kina gbunga bahu; gu ni nazingisa ko ko zingi nagbe mbusa sa kina ungani.

³Irisa du fu gu boro nabanda tini ki ne pa kpata; ono mumungo aboro dunduko napaa apaa.

⁴Iranyomoro asopa nga bino ti regbo ho te; si du ni agbáta he agbata regbo ke ahe, ka he adú nga be ni ya.

⁵Gu rugapai du berã boro yo si wa kina ngirimo, ono boro rugatinapai akúsa ha akusa.

⁶Dungu aboro nataka pande kina pa gayo weneringise, ono da rengbe na bi irarengo?

⁷Ruru boro nata kina rogo gani rurupai— awirini adú ni aboro maku fuo kpi ni!

⁸Bakindo nasunga ri mbata sarangbanga ka igita gbigbitaapai dunduko ni bangiriko.

⁹Da rengbe ka ya, “Mi girisi kpotore yo, mi giri ti gi ingapai”?

¹⁰Du angbatunga baroãahe akia na angbatunga ũringbisaahe akia, wa du he ue si wa kere gbegberẽ he bangiri Yekova.

¹¹Gude nayugo pa tini nzunzu ni kina gani mangaapai, watadu gani sunge zanga biriki ki du ni ruru he.

¹²Gu tue nagia pai na gu bangirise nabi he, Yekova namangi he, a wa du he ue.

¹³Ka mo kpí nga nyemu rame ya, mo ka rima ku rogo rungo; mo zá bangiro, mo adú na riahe be ro kpaima.

¹⁴“Si nga kungba he, si nga kungba he,” wo bangbeahe napaa; ono ho ni niga ni, ni ki niabia tini.

¹⁵Dahabu du ho, na ngungungu ambia fongahe kpaima; ono ngba inahe nga kikiipa úfongo.

¹⁶Mo dí ga gu boro roko du ku ba kungba boro, ki kati ido na ni ho du ni ni ku ba kungba boro.

¹⁷Gu riahe bi boro be pa biriki du ni nzinziri he, ono giza ngbani ki hi be kina zakara mbia.

¹⁸Berã pa mbakadapai dunduko du ni nyakasinyakasi he be kina rugapai; pa sovura angba be tatamana berã pa ha.

¹⁹Gu ni nandu kirikiri wa bakusipai nakusa okooko apai; si du ka mo kódi nga tiro na gu ni du na mumungo fugo ya.

²⁰Ka boro gberẽ ngbani yo fu bani na nani, gani we abisa rogo nduunduu bitimo.

²¹Gu he bi yo ho ni ipo ni bambata ha, digida ha adú nga na maku te.

²²Ka mo yá nga “Mi aíra bape gbigbitapai” ya; ono mo súngudi Yekova, ko aúnda ro.

²³Du angbatunga baroãahe akia nga kere gbegberẽ he bangiri Yekova, biriki uringbisaahe ngba nga ha te.

²⁴Ruga pa ga aboro nduge si kina be Yekova; waĩ tie ka boro rugu tini na gani pai?

²⁵Si wa gbina fu gu boro nagba agba sa fura, niya, “Si ziazia,” ki nibaki bangirini ti ni fuo zunga ni he.

²⁶Iratatamana bakindo naigita gbegberẽ aboro aigita, ki nioro na marã taka zendeahe auru yo.

²⁷Toro boro nga ga Yekova we atara, nawisiga boro vuni yo dunduko.

²⁸Weneringise na rengo nabanda bakindo, gako mbatabakindo ki du ni songodisongodi he be rurupai.

²⁹Ga aparanga taarimo nga gayo ome, ono ngbanya gbinza aboro nga gayo nvue riyo yo.

³⁰Amandoro nahoga boro si nagirisa gbigbitapai ku sa yo; na egetere ta boro nagirisa vuni yo.