Read zande Asanza 9 Bible Online

Asanza 9 - zande bible

Asanza 9

¹Tatamana dua gaha bambu, si seke gaha adangba bambu saba.

²Si imi gaha anya, si piri gaha imekakue, si mbakadi gaha mbisa a.

³Si kedi gaha anagbindi i yambu he, ri gu tumbatumba arago nga ga bakporo,

⁴“Gu ni zanga inahe, ni yé kono!” i ki ya fu gu ni adu nga na rugatinapai ti ni ya,

⁵“Mo yé, mo ri gi riahe, ki mbiri gu imekakue piri mi he.

⁶Mo mbú pa ga zanga tatamana, ka du ni ungaro, ki nita ngba gene rugatinapai.”

⁷Gu ni naruga bapayasi pa apai ni nagbe wasiro kina kuti ni, gu ni naza gbegberẽ boro ni naimisa kina tini.

⁸Ka mo nizá nga bapayasi pa apai ya, ni ka soga ro; ono mo za kina iratatamana, ni nikakpi nyemu ro.

⁹Mo fú rugute fu kina iratatamana, ni adú na tatamana ki susi; mo yúgu pai fu kina ruru boro, ni nikasusa na wirikapai.

¹⁰Gunde ti Yekova nga tonatona mburu tatamana, ina pa gu ko du ni Ziazia Ko nga rugatinapai.

¹¹Bambiko gamo arame adú ni kiisikiisi he mbiko re, i akiisa agarã ungaro akiisa.

¹²Ka mo du ni iratatamana, mo ni iratatamana fu kina tiro; ka mo payasi pa apai, mo ni sa ro nikakpida pt ha.

¹³De abiatise nga boro wawaru; du ri adu tataa, ka ri aina nga pa zee ya.

¹⁴Ri nasunga pa ngbadimo gari bambu, ri nadia basunga ri tumbatumba aba bakporo yo,

¹⁵ki niyambu agu yo nasusa, naandu nzunzu ngba gayo agene, ki niya,

¹⁶“Gu ni zanga tatamana, ni ária tini kono!” Fu gu ni du gbua zanga rugatinapai ri ki ya fu ni,

¹⁷“Dĩdĩ ime nziri ki susi, na gu riahe i ari rogo gbuko yo ngba.”

¹⁸Ono ni aina nga ha ya kpikpi aboro yo te; gari agino du kina rogo dudungura Baatoro kpikpi aboro yo.