Read zande Batungusipai 11 Bible Online

Batungusipai 11 - zande bible

Batungusipai 11

¹Mo fú bero afu fu aboro, bambiko si ayéga ayega berewe.

²Mo fú bete he fu aboro saba, watadu fu aboro muambi, bambiko mo aina nga gu gbigbitapai nikadu auru kpotosende no te.

³Ka mai du ari yo gbe, si naworokosa tihe nina ha ku sende no; ka ngua ti bara ku sudiyo watadu ku nodiyo, ku rogo gu ba ti ngua ku ho ni re, kina ho si ka nye ku ho ni.

⁴Gu ni nakparia kina pa yuge arú nga he te; gu ni naberã kina pa mai ake nga he a te.

⁵Wa mo aina nga gene ye yuge ya, na waĩ ameme nasona rukumbu nagude yo ya, kina a wo mo aina nga pa gu mangapai nga ga Mbori, nga gu ko namanga apai dunduko ya.

⁶Mo rũ ga tunga wiso, ka mo mbú nga rũ he nyemu ya; bambiko mo aina nga pa gini gu nikaida te, watadu ga wiso watadu ga nyemu, watadu si ue nikaida aida dũ.

⁷Ngba imarago angba gbe, si ni wenepai fu bangirise ka bi uru.

⁸Ka boro raki tipa dungu agarã, gu rengbe nga ni ningí angi rogo ho dunduko. Ono ni nitíngidi pa gu rame nga ga bitimo, bambiko si adú ni dungu he. Agu apai naye dunduko nga kungba pai.

⁹Ako paranga kumba, mo ngí ti rago parangaro, kpotoro yo ngárãsi ro ti rago parangaro. Mo ki nita kina rogo agu apai du ngbaduro yo na gu pai bi mo. Ono mo ini he nga, tipa agi apai dunduko re Mbori ayé na mo sa sarangbanga.

¹⁰Si du mo kúsi pa rungosi kpotoro yo, ki moi gbigbitapai ti bororo ku sa yo; bambiko pa ga paranga unga na ga paranga kumba nga kina kungba pai.