Read zande Batungusipai 12 Bible Online

Batungusipai 12 - zande bible

Batungusipai 12

¹Mo nitíngidi pa Bamangiro a ti rago parangaro, mbata gbegberẽ arago nikada, na agu agarã nambeda ho mo ka ya ni, “Ngbarago ti re rogo ho te”;

²mbata fu du uru ku bitimo yo, na imarago, na diwi, na akerekuru a, adubo ki du berewe fuo na mai;

³ti gu uru ababanda bambu nikakio ni, nyanyaki aboro ki ninuga, asaahe ki mbu sa ahe bambiko nge nga yo te, na agu yo nangera ti bangiri bambu bangiriyo ki du tataita,

⁴i ki kisi ngbadimo abambu ti gene bakporo; ho woro saahe ka nge nga ni ya, boro naguari ku ari be kina fugo zire, anayango ki du ni payasipayasi yo;

⁵i du na gunde be gu pai dũ ku ari, gbudagbuda du ngba gayo agene; ngua wa anzari nambumba, abakirigba ki du ni pa rungo, nyemuahe ki kpa; bambiko boro nandu ku rogo gani nyenye kporo, akparikpe ki nindu kirikiri ngba agene bakporo;

⁶mbata giri feda nikazaka, watadu i nikakuadi badungu dahabu, watadu i nikafutuka runge pati gugaabi yo, watadu kuadi ngbagida ti due ime,

⁷nvutu ki karaga tihe ku sende yo wa si nidu, toro ki ga koyo du Mbori ni nafu boro.

⁸Kungba pai nga ga kungba apai, wo poi Batungusipai; apai dunduko nga kungba pai.

⁹Bambiko wa Batungusipai adu ni iratatamana, ko ki yugu inahe fu aboro a; ko aberẽ pa badungu asanza sirisiri, ki niwisigi pahakiniringbisihenzunzu.

¹⁰Batungusipai agbata agu apai ngba tue yo, ki nike gu pai nga rengo ni ruruhe.

¹¹Gu gumbapai nga ga airatatamana du wa kina gbangama. Wa kina gu neri banga yo ru nyanyaki, wo du gu gumba pai nga ga abaira gbuu, nga gu naye be Babanda anya sa.

¹²Ako wire, mo bánda tiro be agu apai ka susi gi du re. Pa manga dungu akitabu digidaha ti ni te, bakere wirikapai nga mbusatise fu boro boro.

¹³Yangara pai dũ re; i ima gia ha dunduko. Oni gúnde ti Mbori, ki ka kuti gako arugute; bambiko gere nga gu pai dunduko nga ga boro.

¹⁴Bambiko Mbori asápa ngbanga apai dunduko ni ba sa sa, na okooko apai ni ba sa sa a, watadu si du ni wene he watadu ni gbegberẽ he.