Read zande Batungusipai 4 Bible Online

Batungusipai 4 - zande bible

Batungusipai 4

¹Were mi ki bi gu rungosiro dunduko aboro namanga tii uru no. Oni ngére, aume ki nigbadi bangiri agu yo yo i arungosi yo, boro adu nga ho sa ka ngarãsi yo te! Ono tandu adu kina ho tipa abarungosi yo, ono boro adu nga ho ka ngarãsi yo te.

²Si du mi asambua ga kpikpi aboro pai ti ni na ima kpika, ki susi ga gu unga aboro du ni ungayo kindi.

³Ono gu ni ngba susi yo wa du yo ue nga kina gu boro i ata vunga nga ni nga gu ni ata bi nga gu gbegberẽ mangapai namanga tii uru no ya.

⁴Mi ki bi asunge dunduko na tatamana mangapai, ya si nakura be kpi boro ga kurani apai. Gere a nga kina kungba pai na wa pa peka fuo yuge.

⁵Mumungo boro nauya beni wa sa, ki niri kina pasioni.

⁶Hi be boro sa na zereda, ngba ti hi be boro ue be sunge na pa peka kina fuo yuge.

⁷Mi ki sa tire berewe ki bi kungba pai tii uru no:

⁸boro ho du ni sa ni ka ue ni adu nga ti ni ya, wirini ti ni te, unvuruani a te; ono ka digida gani sunge dunduko adu nga ti ni ya, ka gani ũkumuko arengba nga bangirini a ya, ka ni sana he ki ya, “Da tie mi namanga sunge tipa ni, ki bengeti tire ti wene pai?” Gere a nga kina kungba pai na kere ima.

⁹Du aboro ue ngba ti du boro sa, bambiko i du na wene mosoro tipa gayo sunge.

¹⁰Bambiko ka i tiwi, gu ni sa atumba kurani; ono rungo du fu gu ni du ni sa ni ho ni niti ni, ka kurani adu nga ho ka tumba ni ku ari ya.

¹¹Berewe, ka aboro ue pi wa sa, kpotoyo afaa; ono waĩ ka kpoto bangisa boro foi?

¹²Ka boro di be kurani nga gu ni du ni sa ni rengo, ono agu yo du ue rengbe ka za ni. Gu gire udi yo ho biata ka si kati nga ni ipo te.

¹³Rungorungo paranga du ni iratatamana, ngba ti mumungo gbinza bakindo, nga gu ni aida nga ruga pa apai berewe ya,

¹⁴ka ni vura kura bambukisa yo ka du ni bakindo zavura rogo gani ngbi i avungu ni ho ni kina rungorungo boro.

¹⁵Mi abi agu aboro du na ungayo dunduko nga agu yo naata tii uru no, gbia kuti gu paranga re nikaru ku ari ku ba ni;

¹⁶digida nge aboro adu nga ti ni te; ni adu ku ri yo dunduko. Ono agu yo nikaye fuo ni i angi nga tipa gani pai a te. Ni rengo gere a nga kina kungba pai na wa pa peka fuo yuge.