Read zande Ga Soromo Bia 3 Bible Online

Ga Soromo Bia 3 - zande bible

Ga Soromo Bia 3

¹Mi agbata gu ko torore nakpi nyemu ko; wa pi mi ri gi barame yuru; mi agbata ko, ka mi abi nga ko ya, mi ayambu ko, ono ka ko akaraga nga pai fere ya.

²Mi aya, “Mi agúari awere ki ndu ku rogo bakporo, ngba agene bakporo na rogo avurukporo; mi agbáta gu ko torore nakpi nyemu ko.” Mi agbata ko, ono ka mi abi nga ko ya.

³Ababandarago ki gbia re, wa i ata rogo bakporo. Mi ki ya, “Oni bi gu ko torore nakpi nyemu ko?”

⁴Si ki du were ka mi asusa nga fuo yo gbe ya, mi ki bi gu ko torore nakpi nyemu ko. Mi ki zi ko, mi akpi nga nyemu ko ga te daho mi ayega ni na ko ku nina yo, ku vuru gu bambu yo nga ga gu ri nadu na mobara re.

⁵Ako wiri aboro Yerusarema nga ade, mi zunga he fu roni, ti rimo gbangbaria watadu nzungba nvuo yo; ka oni ya wó na ti nyemuse ki zingisi he ya, daho si ka ngba ni.

⁶Gini he nga gu nakura ngbakungba yo re, wa ngime nagunda, na wene fuõngua mure ti ni na gu kura fuõngua, na ngbatunga wene fuõ ngungo he nga ga ababagiahe?

⁷Mo ngére, ga Soromo gbada du! Kangarã aboro 60 du pati he nga ga aYisaraere ngangarã aboro,

⁸i dunduko vodi abasape pa dimoyo ki du ni ababiovura, aboro ni ba sa sa na gayo basape kina ri kpakpu mbosoyo, bambiko gunde yuru.

⁹Bakindo Soromo amangi utinda bakindo tipa tiko, rogo gu ngua du Rebanona yo.

¹⁰Ko amangi anguaha rogo feda, mburuhe ki du ni dahabu, basungarihe ki du ni ngungungu he; vuruhe yo adu ni mbakadimbakadi he ni bawenehe be wiri aboro Yerusarema nga ade.

¹¹Ako oni wiri aboro Siona nga ade, oni kúru, ka bi Bakindo Soromo, na gu kpakpari bakindo nako amoi ku riko yo rago gako rogatise, na rago du ngbarago kpotoko yo.