Read zande Ga Soromo Bia 7 Bible Online

Ga Soromo Bia 7 - zande bible

Ga Soromo Bia 7

¹Ako wiri bakindo nga degude! Na ngba nduro na rakata, Ngbazunga ambosoro wa kina ũfongaahe, gu sunge nga ga boro birĩ.

²Mbukusero du kirikiri wa gu inga azanga nga kodikodi imekakue rogo ho ya. Vuro wa kina guguda nganu, i moi aranga pati he kirikiri

³Mamuro ue wa kina fogo agbangbana ue, nagbangbana abatika ra ni abi.

⁴Gorõro wa gu ngbaho bambu du ni rindi mbarã. Bangiro wa gu munga du Esebona yo pati gu ngbadimo bakporo nga Bata-rabimi Õro wa kina gu ngbaho bambu du Rebanona yo nangera ku Damaseke yo

⁵Riro ti ro du wa Karumera, mangeriro ki du ni ngungungu he; bakindo adu ni zizi ko mbiko gbanga mangeriro.

⁶Ako badiangbare nga paranga de, bi ro ngba! Na ngba tamaro, mo ni weneringi ro a.

⁷Basonaro wa kina mbira, mamuro wa zuzuhe a.

⁸Mi ya, mi abíta mbira ku an yo, mi azia be he Ako ka mamuro du wa kpura bakakue, fuõ ongaro ki du wa fuõ zuzu ngua du wa ga manga,

⁹ngbaro yo ki du wa gu wene ime imekakue i nambira ha nonono, kpotongba ki zere azera be he na nnde a.

¹⁰Gu ko mi akpi nyemu ko, mi tigimi nga gako ri, gako nyemuse du kono du mi ni

¹¹Gu mo mi akpi nyemu ro, mo ye, ani ndú ku ati yo, ani rá ramukporo rogo akporo yo;

¹²ani gúari kina ngbatutu wiso ka ndu ku aati bakakue yo, ani bí he si ngia bakakue kusi fogo kpehe, ki moi mbumbudaha, watadu ngua wa ndavu moi mbumbudaha. Yo mi ka yugo gi nyemuse ni foro

¹³Rindiseke nakusa wene fuõhe, ba ri gaani ngbadimo yo du ngbatunga wene zuzu angua ni vovo ho na kuru he a, nga gu mi aigi he tipa ro, Ako gu mo mi akpi nyemu ro.