Read zande Ga Soromo Bia 8 Bible Online

Ga Soromo Bia 8 - zande bible

Ga Soromo Bia 8

¹Ako, ka mo adu wa kawire fere, naha mamu nina! Ka mi abi ro zegi yo, ka mi adungo ro, a nga boro ho ka payasi re te

²Ka mi angbe ku mbata yo foro ki ye na mo ku rogo ga nina bambu yo, ri ki rugu re. Ka mi afu wene fuõ imekakue foro mo mbiri he, na ime gimi zuzuhe wa ga andavu.

³Ako ka garebeko adu tii rire, kumbabeko ki dungo re a!

⁴Ako win aboro Yerusarema nga ade, mi zunga he fu roni, ka oni ya wo nga ti nyemuse ya, ki zingisi he a ya daho si ka ngba ni.

⁵Gini ri nga gu ri naye ngbakungba yo, megedi kuti gu ko ri akpi nyemu ko? Tii ngua du wa manga mi azingisi ro ni Yo namo adu ni na ima batika, yo gu ri nabatika ro adu ni na ima batika.

⁶Mo mói re wa ũido ku kpotoro yo, wa ga tongo ido ti bero; bambiko nyemuse nyanyaki wa kina kpio, deringo ni kere he wa murã. Imaha wa ima we, wa gu mirã we nakĩ akĩ

⁷Dungu aime arengba nga ka bisa nyemuse te, ka ime fu nga ku ri he a te. Ka boro vura fu gani aũkporo afu tipa nyemuse dunduko, i apayasi he apayasi dunduko

⁸Am du na tom dawirani, nga nakungbadu. Gim ani ka manga tipa dawirani, ni gu uru kumba ka sanango ri?

⁹Ka ri du tigari wa vuro bambu, ani adua bambu auru nhe ni feda; ka ri du tigari wa ngbadimo, ani akísa pati ri na apurangi kedara.

¹⁰Mi tigimi adu wa vuro bambu, mamure ki du wa ngbaho bambu; si du mi ki du bangiriko wa gu boro bi zereda.

¹¹Soromo adu na ati bakakue Baaromoni yo; ko ambu gu ati bakakue re fu ababanda ha; i ni ba sa sa mye na sekere feda wa 1,000 tipa zuzuhe

¹²Gi ati bakakue, nga boro gum, du tipa kina re; Ako Soromo, mo nikadu na sekere 1,000, agu yo nabanda gu zuzuhe re i ki du na 200.

¹³Ako mo gu naraka ati yo, akuare nadega tuyo ka gia fugoro; mo ídi he fere mi gi he a.

¹⁴Gu mo mi akpi nyemu ro, mo ípisi tiro, mo ki du wa gbangbaria watadu wa paranga nzungba ri bagangara wene fuõngua yo.