Read zande Yesaya 10 Bible Online

Yesaya 10 - zande bible

Yesaya 10

¹Na gberẽ he fu agu yo narũ iraira andika, na fu agu yo nake pa fudifudipai kindi,

²ka aria airazingohe ku bani pati sarangbanga, ka dia gu rurupai nga ga gimi rungorungo aboro ku sa yo, ya adekurugbo ki du ni gayo gbugbu ahe, i ki sa awirinyaure ni gayo zizi ahe!

³Ono gini pai oni ka manga ti uru fu mbusa, na ti rago gu gbarasahe nikaye gii ngbi yo? Da oni ka ora koyo du ni ni tipa undahe? Na wari oni ka mbu gaoni taarimo ni?

⁴Oni agbura kina ku sande dagba zizi aboro yo, watadu tiwa kina ku dagba kangba aboro yo. Ono mbiko agi apai dunduko re ga Yekova zinga aguari nga ku sa yo te ono beko ni taĩtaĩ he kindi.

⁵Ako aAsuro, nga gi ngbondo zinga, du ngau gi imisiri ngbaduse be yo!

⁶Mi nakeda yo kuti gu rikaaboro nga airabiriki, mi nafu ndika fu yo kuti agu aboro mi nazinga fu yo, ka roga gbugbuahe, na ziziahe a, na ka simba yo ku sande wa fuka ngba agene bakporo

⁷Ono i aberã nga pa manga ha wo te, i aberã nga pa ha wo kpotoyo yo a te; ono pa gbarasahe kina kpotoyo yo, ka gbarasa arikaaboro ku sa yo ni dungu yo;

⁸mbiko ya yo: “A nga gimi agbia dunduko ni kina abakindo te?

⁹A nga Kareno wa kina Karekemisa te? A nga Amata wa kina Arepada te? A nga Somorona wa kma Damaseke te?

¹⁰Wa bangire aima bi agu angbi nga ga akpiaahe nga gu susi ngbanya gaha sese kpiahe ti ga Yerusarema na ga Somorona,

¹¹wa mi amangi fu Somorona na gaha akpiaahe a nga wo mi ka manga fu Yerusarema na gaha akpiaahe te?”

¹²Ho Yekova ka nyasa gako sunge ni dunduko ku ri Bagangara Siona na ku ri Yerusarema, ko ambúsa gu nyaka ngbaduse nga ga bakindo aAsuro, na gu taarimo nga ga gako ruka

¹³Bambiko ya ko: “Mi mangi gere ni gu ome nga ga bere, na be gi tatamana, mbiko mi du na rugatinapai; mi gbisi agu abangbandarago nga ga aboro, ki rogo gayo kikipaahe be yo; wa du mi ni ngangarã boro mi zorõsi agu yo sungu auru ambatabakindo

¹⁴Mi bi agu aukumuko nga ga aboro wa bi bambu zire; wa ka boro adungura agu apara azire mbu ami he, wo dungura mi kpotosende dunduko; a nga gu ru sa nawo ti puporu te, watadu gu ru sa nazara gutu ngbaru te, watadu gu ru sa napaa a te.”

¹⁵Ka mangua abia tiru fu gu ni nade he na u? watadu mará gba ngua taasi tihe fu gu ni namanga sunge na ni? Si wa ka ngbondo zigizo agu yo tumba ha ku an, watadu wa ka ngau tumba gu ni ku ari angia nga ngua ya!

¹⁶Si du Gbia nga Yekova nga ga arimbasa ko, ka keda uguda ti ni ku dagba gako bakindigi aboro, i aginda we tii gako taarimo yo wa gu we nagbi agbi.

¹⁷Ono gu imarago nga ga Yisaraere adú ni we, na gako Ziazia Ko ni mirãwe; si agbi ki riti gako akiwe na gako anguruza rogo kina uru sa

¹⁸Yekova anyása gu taarimo nga ga gako bire, na ga gako ati zuzu ahe nazuga gbe, toro na borose a, si adú wa ho he namaka boro kaza ni.

¹⁹Ono yangara gako angua bire adú ni kina umba ha nga gu ka kina tom gude ke pa ha.

²⁰Ti gu rago re gu yangara awiri aYisaraere na agu yo nabati dagba ngbatunga Yakoba yo, i akida nga berewe kuti gu ni nanataka yo te, ono i akida kina kuti ndikidi Yekova sa, nga ga Yisaraere Ziazia ko.

²¹Yangara yo akaraga tiyo, gu yangara yo nga ga Yakoba yo a, koyo du Mbori ni du na tandu apai du

²²Bambiko ka gamo aboro aYisaraere vura du wa ngume baime vurũ, kina yangara yo gbua níkakaraga tiyo. Ringbisa pa nyasa aboro du, ki du na rurupai kpaima.

²³Bambiko Gbia nga Yekova nga ga arimbasa ko adigisa apai dunduko rogo kpotosende dunduko wa ko aringbisi he.

²⁴Si du ya Gbia ti ni were, nga Yekova nga ga arimbasa ko: “Ako gimi aboro naraka Siona yo, ka oni gunde nga be aAsuro ya ka i vura ta roni ni ngbondo mará vurũ ki tumba gayo ngau kuti roni wa aEzipeto amangi he

²⁵Mbiko fuo rago ngbutuko gi imisiringbaduse adiga, gi zinga adu kuti yo tipa kina gbarasa yo.

²⁶Yekova nga ga arimbasa ko ki di kpoto dupo kuti yo, wa rago gu imo aboro nga ga aMidiano pati gu mbia nga Orebe; gako ngbondo adu ri baime, ko atumba ha ku an oerewe wa gu ko amangi he Ezipeta yo.

²⁷1 Ti gu rago re gako tindiro aguari ku sa yo pagoro, na gako gonga ti goro, i akuadi gu gonga re mbiko du he na nzeme ti ni.”

²⁸Ko ye ku Ayata yo; ko susi ku Migerona yo, ko moi gako tindiro Mimasa yo;

²⁹i ndu ki susi ti win agene dagba ambia; ki zi barame Geba yo; Rama nakio, aboro Gibea nga ga Sauro kporo i oro.

³⁰Ako aboro Garima, oni kpári ku ari! Ako aboro Raisa, oni dége turoni! Ako aboro Anatota, oni káraga pai fu ri!

³¹Mademena naora, araki Gebima yo naora ka gbu

³²Ti kina gi uru re ko mkaru Nobo yo, ko atóta beko kuti gu bagangara nga ga ahoro Siona, nga gu gangara du Yerusarema yo.

³³Mo ngére, Gbia nga Yekova nga ga arimbasa ko, ko adéwa gu be angua ku sa yo ni gbudagbuda; ono gu bagbangagbanga ngua giza basona ha gbe ko adéwa ha adewa ku sande, ko adéwa gu bagbangagbanga ha ku sande

³⁴Ko adewa angua yo du dungu he ni bire yo ni mangua, bire Rebanona atiwa be gako tandu.