Read zande Yesaya 12 Bible Online

Yesaya 12 - zande bible

Yesaya 12

¹Ni gu rago re mo ayá: “Ako Yekova, mi afu atambuahe foro, mbiko ka mo avura du na zinga kuti re, ga zinga sa tihe ku sa yo, mo fu wasa fere.

²“Mo ngere, Mbori nga gi bata; mi akida kuti ko, ka mi adu nga na gunde ya; bambiko Yekova MBORI nga gi ome nga gi bia, kina ko sa nga gi bata.”

³Si du oni ka gbe ime ti ni na ngbarago rogo agu aguga nga ga bata.

⁴Ti gu rago re oni ayá: “Oni fu atambuahe fu Yekova, oni yambu he ti rimoko; oni taki pande gako mangaapai dagba arikaaboro, oni pe pa rimoko ya si du ni insiirisi he.

⁵“Oni bi bia fu Yekova, bambiko ko mangi iiriwo apai; i ini gere rogo kpotosende dunduko

⁶Ako araki Siona yo, oni kpári ku ari, ki ngbiko ni ngbarago, mbiko gu ko nga bahe du dagba roni nga ga Yisaraere Ziazia ko.”