Read zande Yesaya 13 Bible Online

Yesaya 13 - zande bible

Yesaya 13

¹Gu pa rungo du tipa Babera Yesaya win Amosa abi he

²Oni mói yuguyuguhe ri kungba bagangara, oni túmba fugoroni ku ari fu yo; oni báya yo i rimi ku rogo agu angbadimo nga ga weneringi aboro

³Mi tigimi rugu gimi kparakpara aboro, mi yambu gimi airanyaka tipa manga pa gi zinga, nga agu yo nangi angi mbiko iriwo mi airiwo.

⁴Oni gí nga woro rimbasa aboro ri abaagangara yo du wa woro badungu aboro! Oni gi nga woro gbarakagbaraka nga ga angbi, nga ga arikaaboro dungura tiyo wa sa! Yekova nga ga arimbasa Ko nadungura rimbasa aboro tipa sovura.

⁵I naye rogo tuturu ringara yo, yo turú papara angbangbaturũ aturá ni gbe, kina Yekova na aúvura gako imisiri ngbaduse, ka gbarasa kpotosende dunduko.

⁶Oni yóro wawa, bambiko ga Yekova rago nambeda; si aye wa gbarasahe be gu Ko du na tandu apai du!

⁷Si du abe adú ti ni ni rurungbura ha dunduko, kpoto aboro yo dunduko ki ziziri,

⁸i agunde ki nikio Tunguotunguo aima na arungo azia yo; i adú na imisiri wa ga de rago vunga Iriwoyo ati ti yo dagba yo; kpakpuyo afáa be iriwoho

⁹Mo ngére, gu rago nga ga Yekova naye, ni kere he, na dingidingi ngbaduse na ngariangaria zinga, ka sa kpotosende ni ngbakungba na ka gbarasa aboro ingaapai rogo ho

¹⁰Bambiko agu akerekuru nga ga angbangbaturũ ra na gaami arimbasa ami ahása nga rago te. Ho uru ka kura ni imaha adu nga te, diwi ahása nga rago a te.

¹¹Mi ambúsa zegino tipa gaha gbigbitapai, na gbegbere aboro tipa gayo irairapai; mi anyása gu kiisapatise nga ga aboro ruka, mi aúmbasi gu rekangose nga ga airakigisa aboro.

¹²Mi amánga pai, pa bi aboro ki kpakara ki susi pa bi wene dahabu, pa bi angbatunga aboro ki kpakara ki susi pa bi ndikidi dahabu nga ga Ofiri

¹³Si du mi amánga angbangbaturũ si kio, ki zigizo kpotosende si gbisi rogo gu baha, ni gu zinga nga ga Yekova nga ga arimbasa ko rago gako ngariangaria zinga.

¹⁴Aboro ni ba sa sa asá tiyo fuo kina gayo aboro, wa gu gbodi i amanga ru amanga, watadu wa agu akandoro boro abanda nga ra ya, aboro ni ba sa sa aora kina ku rogo gayo ringara

¹⁵I arupa aboro dunduko puu nga agu yo i ka bi yo, na agu yo i ka zia yo dunduko i aimo yo ni basape

¹⁶I amera rukutu awiriyo i ki kuadi rukutu ku bara bangiriyo; i agbarasa gayo abambu ki zapu adiayo.

¹⁷Mo ngere, mi nazingisa aMadai kuti yo, naberã nga pa feda ya nga agu yo rago angba nga ti yo tipa dahabu a ya.

¹⁸Gayo amboto aimo paranga aboro; i adu nga na nunga zuzu he ti yo nga ga rukumbu te; nunga agude adu nga ti yo te

¹⁹Ono Babera, nga gu taarimo nga ga angbi, nga gu betedi he nga ga ga aKasado ruka adú wa Sodomo ho Mbori agbarasi he ni na Amora.

²⁰Si adu nga ni kporo wa sa te boro aráka nga yo tona ti gu rika aboro dati gu rika aboro nikadu a te; aboro Araba adúa nga gayo bamburoko yo te, ababanda akandoro aida nga fu gayo rimbasa anya ami piki yo a te

²¹Ono kina kere anya nikapika yo, gaha abambu ahi be ngbatunga agu anya napaa apaa; kina asurutio nikaraka yo, abaameme nikado ghere yo

²²Azege apáa rogo gaha gbata bakporo, na ahua rogo gaha wene abambu abakindo; ono ragoho mbembedi ka ye, i aimasi nga gaha arame te.