Read zande Yesaya 15 Bible Online

Yesaya 15 - zande bible

Yesaya 15

¹Gu pa rungo du tipa Moaba Bambiko I agbarasi Are Moaba yo rogo yuru sa, ki sa ha ni kungba he; mbiko rogo yuru sa i gbarasi Kire Moaba yo, ki sa ha ni kungba he.

²I biti ku Dibona yo, ku ri tumbatumba arago ku ari yo gbe, ka kpara yo; Moaba nayora wawa ku ri Nebo na ku ri Medeba Kina kpatakpa du riyo yo dunduko, i kpe mmngbayo ku sa yo dunduko;

³i ukadi kina mbuzaroko ngba gayo agene bakporo; aboro ni ba sa sa nayora wawa ki nikpari ni aume, ri gayo abambu yo na rogo gayo abaavurukporo.

⁴Esebona nakpara ku an na Erare, i gi fugoyo da kina ku Yaza yo; si du ga Moaba aboro vura nakpara ti ni ku ari; toro Moaba nakio rogo ho yo.

⁵Kpotore yo nakpara ku ari tipa Moaba; gaha merẽmerẽ abaakumba oro ku Zoaru yo, na ku Egereirisiya yo. Mbiko i nabita ti babita ku Ruita yo nikpari wa i andu; bambiko ngba gu gene ku Oronaima yo i tona kpe ku ari nga ga gbarasarago;

⁶bambiko agu aime nafu ku Nimerima yo nye ni sa ha; nvuo ugu, fogo ho nagberã iwo ahe ho te.

⁷Si du agu ahe nadu beyo kpaima na gu i aigi i natinda ha ku mbiti Wiridi yo nga di Sarizi.

⁸Bambiko kpe ndu kirikiri ti agu abangbandarago nga ga Moaba; gaha kpe na wawa da ku Egaraima yo, gaha kpe na wawa da ku Bereerima yo a.

⁹Bambiko agu aime nga ga Dibona hiki be kure; ono mi aye na kura pi ku ri Dibona a, nga bahu ku ri agu yo namerẽ nga ga Moaba yo, na ku ri gu yangara yo nga ga ringara.