Read zande Yesaya 18 Bible Online

Yesaya 18 - zande bible

Yesaya 18

¹Ako, gu ringara natada apupoho nga gu du mbiti agu adi du Etiopia yo;

²nga gu nakeda abamokedi bangiri Nire, rogo akurungba ri aime mbakadi yo ho ni badumo! niya, Oni ndú, oni ipiipi amokedi, koyo du gu rikaaboro ni du ni gbangagbanga yo na ni zezerenge kpotoyo, koyo du agu aboro ni du ni iiriwo yo ti tonatona rago yo, nga rikaaboro du na ome ringbisa pai ti yo na pa manga ha a, nga agu yo kparaka adi gayo ringara.

³Oni dunduko nga araki zegino na oni araki auru kpotosende, ho i ka tumba yuguyuguhe ni ku ari ri abaagangara yo, oni bi he! Ho i ka vu nambongo ni, oni ki gi he!

⁴Bambiko Yekova agumba ha fere: “Mi asúnga zezeredi ki ningere rogo gi baraka yo wa kere faarago nga ga uru, wa ndomo faarago ti regbo ke ahe.”

⁵Bambiko mbata fu regbo ke ahe, ho mbumbuda ahe ka nyasa ni, mbumbudaha ki sa tihe wa zamba rindi bakakue, ko akáfa rukutu abehe na aúkuya ngua, na gu kparakakparaka abehe ko adéwa ha ku sa yo.

⁶I ambú he dunduko fu agu azire nata ti riahe nga ga abaagangara ra, na fu anya kpotosende. Agu azire nagbata riahe asúnga ri he rago faarago, na anya kpotosende dunduko asúnga yo rago zere.

⁷Ni gu rago re agamahe ka ye fu Yekova nga ga arimbasa ko ku ri Bagangara Siona yo, nga ba du tipa rimo Yekova nga ga arimbasa ko, be agu aboro du ni gbangagbanga yo na ni zezerenge kpotoyo, nga agu aboro du ni iiriwo yo ti tonatona rago yo nga rikaaboro du na ome ringbisapai ti yo na pa manga ha a, nga agu yo kparaka adi gayo ringara.