Read zande Yesaya 19 Bible Online

Yesaya 19 - zande bible

Yesaya 19

¹Gu pa rungo du fu Ezipeta. Mo ngére, Yekova naora ri ipiipi dubo ki ye ku Ezipeta yo; agu akpiahe nga ga Ezipeta akio bara bangiriko, kpoto aEzipeto yo azízirã azizirã rogo yo yo.

²Mi azíngisa agu aEzipeto kuti agu aEzipeto, i ni ba sa sa asó vura, gu ni kuti wirinani, na aboro ni ba sa sa gu ni kuti kurani, gu bakporo kuti gu bakporo, gu ngbi kuti gu ngbi;

³ono gu toro nga ga aEzipeto adú ni kungba he gbua rogo yo yo, mi agbárasa gu rugapai nga gayo; i agbáta pai be akpiaahe na be airasoroka, na be agumba sangbaatoro na be abinza;

⁴mi afú aEzipeto ku be kere bazogo; kere zingizingi bakindo nikazoga yo, wo poi Gbia nga Yekova nga ga arimbasa ko.

⁵Aime Nire auguda auguda, di aúga ki sa tihe ni ugu rago;

⁶awiri adi afu afu; awiri Nire Ezipeta yo aumba ki ugudi, anganzi na abadumo auga auga.

⁷Nvuo pangba Nire, ti ngba gango Nire, na agu ahe rúku yo ho ti ngba di yo du si adu ni uguhe, ki riti anta, ka si adu nga ho berewe ya.

⁸Abaziatĩo akpara ni nunga, na agu yo dunduko naba kombe ku Nire yo; na agu yo naba apio atio ku ime yo i aruna.

⁹Agu yo namanga sunge na kpekpe gire wa nzibi, na agu yo natu pusi roko, i adu na zee.

¹⁰Abanyaki nga ga anngara yo adu ni mbusimbusi yo, na agu yo namanga sunge mosoro arungo ku kpotoyo yo.

¹¹Agu abazogo nga ga Soana yo nga kina mumungo aboro kpakaya; ga Faro tatamana abororondo gayo rugapai du ni mumungo ho Waĩ ya oni fu Faro, “Mi nga wiri iratatamana, nga tita agu abakindo nadu mbata”?

¹²wari tie du gamo airatatamana ni? I gúmba ha foro awere ki yugu pa gu pai Yekova nga ga arimbasa ko aberẽ pa manga ha kuti Ezipeta

¹³Agu abazogo nga ga Soana yo du ni airamungo, abazogo nga ga Nofa yo du ni nanginangi yo; agu yo nga abanyaki ku ri angbatunga aEzipeto, i ingisi aEzipeto.

¹⁴Yekova kodi gu toro nga ga manga irairapai rogo ho yo; i mangi Ezipeta si ndu ni iraira ha rogo gaha mangaapai dunduko wa kina bakpibuda natataraga rogo gam suka.

¹⁵Wiri sunge adu nga ho tipa Ezipeta nga gu nhe watadu saha ka manga ha te, watadu be mbiro na bisimo.

¹⁶Ni gu rago re aEzipeto adu wa kina ade, i akio na gunde bambiko zigizo Yekova beko nga ga arimbasa ko, nga gu ko ka zigizo ho ku n yo.

¹⁷Gu ringara nga ga Yuda adu ni ugbudagbuda fu aEzipeto; agu aboro dunduko i ka pe pa ha fu yo i adu na gunde bambiko agu apai Yekova nga ga arimbasa ko aberé pa manga ha kuti yo.

¹⁸Ni gu rago re abaakporo adu bisue rogo gu ringara nga Ezipeta nafura rogo pa aboro Kanana ki zunga he ka ra fu Yekova nga ga arimbasa ko I ayamba gu sa dagba ha nga Bakporo Gbarasahe.

¹⁹Ni gu rago re bamotumo adu yo fu Yekova bebere gu ringara nga Ezipeta, na duadua mbia fu Yekova bangbanda ha.

²⁰Ono si adu ni yuguyuguhe ni dezirepai fu Yekova nga ga arimbasa ko rogo gu ringara nga Ezipeta; mbiko ho i ka kpara ni fu Yekova be abarungosi yo ko akeda batasi fu yo nga bahe, ko mkabatasa yo

²¹Yekova ayugo tiko fu aEzipeto; aEzipeto aina Yekova ni gu rago re, i ainsa ko na amotumo na agamunihe, i akido he fu Yekova, ki mangi he

²²Ono Yekova ataka aEzipeto, ko ataka yo ki husi yo, i akáraga tiyo koyo du Yekova ni, ko ki gi pa gayo azungaditise ki husi yo.

²³Ni gu rago re bagene adu Ezipeta yo ku Asura yo, aAsuro aye ku Ezipeta yo, aEzipeto ki ndu ku Asura yo, aEzipeto na aAsuro ainsa Mbon wa sa.

²⁴Ni gu rago re aYisaraere adu ni biata yo gbia kuti aEzipeto na aAsuro a, ni aboro maku auru kpotosende,

²⁵bambiko Yekova nga ga arimbasa ko fu maku fu yo, niya, “Maku du fu aboro Ezipeta nga gimi aboro, na fu aAsuro nga gu úsunge nga ga bere, na fu a Yisaraere nga gimi ũkumuko.”