Read zande Yesaya 2 Bible Online

Yesaya 2 - zande bible

Yesaya 2

¹Gu pai Yesaya abi nangia win Amosa tipa pa Yuda na pa Yerusarema.

²Si aye ka du rogo yangara arame ya i ambákada gu bagangara nga ga ga Yekova bambu ni bagbanga ha ki susi abaagangara dunduko, si adú ni tumbatumba ha ku an ki susi agangara; arikaaboro dunduko andu koyo,

³aboro andu ni dungu yo, ki niya: “Oni yé, ani dakpa ku ri ga Yekova bagangara yo, koyo du ga ga Yakoba Mbori bambu ni; ya ko raba rani na gako asino ani ki mpeke kina gako agene.” Bambiko rugute akúra Siona yo, na ga Yekova pai Yerusarema yo.

⁴Ko asapa ngbanga dagba arikaa boro, ki za pai dagba dungu aboro; i atá gayo abasape ni marã sopabino, na gayo abaso ni marã kuya ngua; rikaaboro amofa nga basape kuti gu rikaaboro te, i awírika nga pa sovura berewe a te.

⁵Ako ngbatunga Yakoba, oni yé, ani nita rogo ga Yekova imarago.

⁶Bambiko Yekova ambu gamo aboro, nga ngbatunga Yakoba, bambiko i hi na agu asino naye uroyo, i ki du na agumba sangbaatoro wa ga aFereseto yo, ki ningba na awiri kungba aboro

⁷Gayo ringara hi be feda na dahabu a, gayo mosoro digidaha ti ni te; gayo ringara hi be afarasi, gayo angbagida bageda ha ti ni te.

⁸Gayo ringara hi be kpiaahe a; i nainsa ũsabeyo, nga kina gu he wirinzaga yo ambakadi he.

⁹Si du paya ga aboro pai ti ni, i umbasi abaakumba si du ka mo avú nga yo ti ni ya!

¹⁰Oni rimisi tironi ku bambia yo, ki oko tironi ku rogo nvutu be gu gbudagbuda nga ga Yekova, na be gu taarimo nga ga inwoko

¹¹I apayasi gu ngera nga ga airaruka, ki umbasi ga aboro abiatise; i akíisa kina pa Yekova sa ni gu rago re.

¹²Bambiko ti gu rago nga ga Yekova nga ga arimbasa Ko ko asára ngbanga agu yo naenda ki du na ruka, na kuti agu yo du ni tumbatumba yo ku ari dunduko, ki payasi pa agu yo;

¹³ki sari ngbanga kuti angua kedara Rebanona yo dunduko, du ku an ni tumbatumba ha; na kuti angua wa gero Basana yo dunduko;

¹⁴na kuti abaagangara dunduko, na kuti agu agangara du ni tumbatumba ha dunduko a;

¹⁵na kuti tumbatumba kirikiri agbata dunduko, na kuti ngapa abaakporo dunduko a;

¹⁶na kuti abaakurungba Tarusisa dunduko, na kuti gu bawene ahe dunduko ngba bi he a.

¹⁷I apáyasi ga aboro ruka, ki umbasi ga aboro abiatise; i akíisa kina pa Yekova sa ni gu rago re

¹⁸Akpiaahe anyasa dunduko kpakuse

¹⁹Aboro aríma ku rogo siambia yo na ku rogo sarisari sende, be gu gbudagbuda nga ga Yekova, na be gu taarimo nga ga iriwoko, ho ko ka guari ni ka zigizo kpotosende gbe.

²⁰Ni gu rago re aboro abafa gayo akpiaahe du ni feda fu atundua na afura, na gayo akpiaahe du ni dahabu a, nga gu i amangi he tipa yo ka irisa ha,

²¹i ki rimi ku rogo siambia yo na ku maga sarisari mbia yo, be gu gbudagbuda nga ga Yekova, na be gu taarimo nga ga iriwoko, ho ko ka guari ni ka zigizo kpotosende gbe

²²Oni mbú pa boro du na kina ome onga õni yo, bambiko gini he nga boro i ka berã pa ni?