Read zande Yesaya 21 Bible Online

Yesaya 21 - zande bible

Yesaya 21

¹Gu pa rungo du fu gu kungba baime Wa bakamikami yuge naya Negebe ho, naye ngbakungba yo, iiriwo ringara yo.

²I taki pande pa úkpere rungo fere; bamangi biriki mangi pai ni biriki, bagbuahe gbu ahe. Ako Erama, mo mo kuti he, Ako Madai, mo ru nguru pati he; mi nyasi agu auko dunduko si amangi

³Si du du dimore dunduko ti ni na aima; tunguotunguo aima zi re, wa imisiri nga ga de rago vunga; mi nanuga si du mi arengba nga ti ni na gia pai ya, mi nayungura si du mi arengba nga ti ni ka bi pai ya

⁴Mi naonga zorokozoroko, gunde gbudagbuda zi re; gu nziinzn rago mi akpi nyemu he si sa tihe ni úkio fere

⁵I mbakadi mbisa, i mbakadi rago, i ri he, ki mbiri he. Oni abazogo, oni guari ku an, oni mbedi vurakube ni nzeme.

⁶Mbiko were poi Gbia fere; “Mo ndu, mo moi babandarago, ko taki pande pa agu apai bi ko

⁷Ho ko ka mbi rikavura ni, abanduri afarasi ni ba ue ue, na rika abanduri abaadongi, na rika abanduri akameri, ko dége tuko nyanyaki na bakere rugatise.”

⁸Gu ni bi pai, ni ki kpan: “Ako Gbia, mi naru na uru pitipiti ba bandarago yo, ki du ti gi ba bandarago na yuru sasasa a.

⁹Mo ngere, rikavura naye, nga abanduri afarasi ni ba ue ue!” Ko ki karaga ha ki ya, “Babera ti, si ti; gaha sesekpiahe nga ga gaha ambori kuadi ku sande dunduko.”

¹⁰Ako, mo nga gi takitaki zende he, nga gu i aigita ha, gu pai mi agi he ngba Yekova nga ga arimbasa ko, nga ga Yisaraere Mbori, si taki mi pande he foro.

¹¹Gu pa rungo du fu Duma. Boro nayamba re Seira yo, “Babandarago, gini pai dũ yuru? Babandarago, gini pai dũ yuru?”

¹²Babandarago ki ya: “Rago nagira, yuru naye a. Ka oni akpi nyemu sana he, oni sana he, oni sa tironi ki yega.”

¹³Gu pa rungo du fu Araba Ako oni nungunungu arika nga aDedana, rogo agu abire du Araba yo oni ka araka ni.

¹⁴Ako araki ringara Tema yo, oni yé na ime fu agu yo du na gomoro ime, ki gbia merẽmerẽ aboro ki fu riahe fu yo.

¹⁵Bambiko i amere be abasape, na be nndi basape, na be darĩdarĩ mboto na be gu mbusa nga ga sovura.

¹⁶Bambiko were poi Yekova fere, “Rogo gará sa, wa kina agu agarã nga ga ngbe horosunge, gu taarimo nga ga Kedara dunduko adiga adiga;

¹⁷na yangara gedigedi abaaguanza nga airaome nga ga awiri Kedara yo adu ni kina umba yo; bambiko Yekova, nga ga aYisaraere Mbori gumba ha.”